Kinakapatid na lungsod

Ang kinakapatid na lungsod o kakambal na bayan ay isang anyo ng legal o panlipunang kasunduan sa pagitan ng dalawang lokal na magkakaiba heograpikal at politikal para sa layunin ng pagtataguyod ng kultural at komersiyal na ugnayan.^[1]

Bagaman may mga unang halimbawa ng pandaigdigang ugnayan sa pagitan ng mga munisipalidad na katulad ng tinatawag na kapatid na lungsod o kambal na bayan ngayon noong ika-9 na siglo,^[2] ang modernong konsepto ay unang itinatag at pinagtibay sa buong mundo noong Ikalawang Digmaang Pandaigdig.^[3][4]

Ang layunin ng pagkakambal pagkatapos ay pinalawak upang hikayatin ang kalakalan at turismo^[5] o upang ipakita ang iba pang mga ugnayan, tulad ng mga bayan na nagbabahagi ng parehong pangalan o ugnayan sa migrasyon.^[6] Bandang dekada 2000, ang pagkakambal ng bayan ay lalong ginagamit upang bumuo ng mga estratehikong pandigdigang ugnayan ng negosyo sa mga miyembrong lungsod,^[7][8] at maaaring kabilang ang mga lokalidad ng anumang saklaw tulad ng mga nayon, prepektura, o mga bansa.