Miss Universe 2021

Lokasyon at petsa

Nasa proseso ng talakayan diumano ang Miss Universe Organization upang isagawa ang kompetisyon sa Kosta Rika noong Enero 2021.^[9] Ang mga talakayan ay kinumpirma ng Ministro ng Turismo ng pamahalaan ng Kosta Rika na si Gustavo Seguera.^[10][11]

Subalit, noong ika-20 ng Hulyo 2021, kinumpirma ng Miss Universe Organization na ang kompetisyon ay mangyayari sa Eilat, Israel sa Disyembre ng kaparehong taon.^[12] Kinumpirma rin ng organisasyon ang pagbabalik ni Steve Harvey bilang host matapos nitong makaligtaan ang nakaraang edisyon na ginanap noong Mayo.^[13] Noong ika-27 ng Oktubre 2021, inihayag ng Miss Universe Organization na ang kompetisyon ay gaganapin sa Universe Dome, isang pansamatalang custom-built arena na na-import sa Eilat mula sa Portugal.^[14][15]

Pagpili ng mga kalahok

Ang mga kalahok mula sa walumpung mga bansa at teritoryo ay napili upang lumahok sa kompetisyon. Tatlong kandidata ang nailuklok upang kumatawan sa kanilang bansa/teritoryo matapos ang pag-urong ng orihinal na kalahok.

Mga pagpalit

Iniluklok ang first runner-up ng Miss Universe Morocco 2021 na si Kawtar Benhalima bilang kandidata ng Moroko sa Miss Universe matapos na maaksidente ang orihinal na nanalo na si Fatima-Zahra Khayat.^[16] Samantala, iniluklok si Debbie Aflalo, first runner-up ng Miss Dominican Republic 2021 upang kumatawan sa Republikang Dominikano matapos na mahawaan ng COVID-19 ang Miss Dominican Republic 2021 na si Andreína Martínez bago ang kaniyang paglipad patungo sa Eilat.^[17] Si Martínez ang naatasan upang kumatawan sa Republikang Dominikano sa susunod na edisyon.^[18][19]

Si Clémence Botino, Miss France 2020, ay iniluklok upang kumatawan sa bansang Pransiya sa edisyong ito matapos ang pakikipagpalitan kay Amandine Petit, Miss France 2021, na kumatawan sa Pransiya noong Miss Universe 2020 dahil sa posibleng date conflict sa pagitan ng Miss Universe 2021 at Miss France 2022.^[20] Kalaunan ay nagpositibo sa COVID-19 si Botino pagdating sa Israel at idinala sa isang government isolation hotel upang magkuwarentenas ng sampung araw. Pagkatapos ng sampung araw, pinahintulutan si Botino na magpatuloy sa kompetisyon.

Mga unang pagsali at pag-urong sa kompetisyon

Unang sumali sa edisyong ito ang Bahreyn, at bumalik ang Alemanya, Gineang Ekwatoriyal, Gresya, Guwatemala, Kenya, Moroko, Namibya, Niherya, Suwesya, Turkya, at Unggarya.^[21] Huling sumali noong 1978 ang Moroko, noong 2018 ang Gresya, Guwatemala Unggarya,^[22] at noong 2019 ang Alemanya, Gineang Ekwatoriyal, Kenya, at Namibya.^[23] Hindi sumali ang mga bansang Barbados, Belis, Indonesya, Malaysia, Miyanmar, at Urugway sa edisyong ito.^{[24][25][26][27]} Inaasahang kakalahok sa unang pagkakataon ang Nagkakaisang Arabong Emirato ngunit nakansela ang kompetisyong pambansa nito dahil sa kakulangan sa oras.^[28][29]

Mga insidente bago ang kompetisyon

Tinawag ng pamahalaan ng Timog Aprika si Lalela Mswane, Miss South Africa 2021, upang i-boykot ang kompetisyon dahil ito ay gaganapin sa Israel.^[30][31] Inanunsyo ng Minister of Sport, Arts and Culture Department ng Timog Aprika na si Nathi Mthethwa na hindi maaaring iugnay ang sarili nito sa pageant dahil sa mga "kalupitang ginawa ng Israel laban sa mga Palestino", at "mahusay na dokumentado ang mga kalupitang ginawa ng Israel laban sa mga Palestino".^[32] Bagaman tinawag na ng pamahalaan na i-boykot ang pageant, ipinagpatuloy pa rin ni Mswane ang pagkakalahok sa kompetisyon, dahilan upang alisin ng pamahalaan ng Timog Aprika ang suporta nito kay Mswane.^[33][34]

Mga pagkakalagay

§ – Binoto ng mga manonood upang mapabilang sa Top 16

Mga espesyal na parangal

Pormat ng kompetisyon

Ang bilang ng mga semi-finalist ay ibinaba sa labing-anim kumpara sa dalawampu't-isa ng nakaraang taon. Ang mga resulta ng paunang kompetisyon at ng closed-door interview ang nagpasiya sa unang labinlimang mga semi-finalist. Isinagawa ang internet voting kung saan ang mga manonood ay maaaring bumoto para sa isa pang kandidata upang umabante sa semi-finals.^[39][40] Lumahok sa swimsuit competition ang labing-anim na mga semi-finalist at kalaunan ay pinili ang sampung mga semi-finalist. Lumahok sa evening gown competition ang sampung mga semi-finalist. Limang pinalista ang sumabak sa paunang question-and-answer round, at tatlong pinalista naman ang sumabak sa final word at final walk.^[41]

Komite sa pagpili

• Lory Harvey – Modelong Amerikana^[42][43]
• Adriana Lima – Modelong Brasilenya^[42][43]
• Adamari Lopez – Artistang Portorikenya^[42][43]
• Iris Mittenaere – Miss Universe 2016 mula sa Pransiya^[42][43]
• Urvashi Rautela – Artistang Indiyana at Miss Diva 2015^[42][43]
• Marian Rivera – Artista at Modelong Filipino^[42][43]
• Rena Sofer – Artistang Amerikana (bilang hurado sa gabi ng koronasyon lamang)^[42][43]
• Cheslie Kryst – Miss USA 2019 (bilang hurado sa paunang kompetisyon lamang)^[42][43]
• Rina Mor – Miss Universe 1976 mula sa Israel (bilang hurado sa paunang kompetisyon lamang)^[42][43]

Walumpung kandidata ang lumahok para sa titulo.^[44][45]

Bansa/Teritoryo	Kandidata	Edad[b]	Bayan
Albanya	Ina Dajci[46]	27	Tirana
Alemanya	Hannah Seifer[47]	19	Dusseldorf
Arhentina	Julieta García[48]	22	Bahía Blanca
Armenya	Nane Avetisyan[49]	24	Ereban
Aruba	Thessaly Zimmerman[50]	27	Oranjestad
Australya	Daria Varlamova[51]	27	Melbourne
Bahamas	Chantel O'Brian[52]	27	Nassau
Bahreyn	Manar Nadeem Deyani[53]	25	Riffa
Belhika	Kedist Deltour[54]	24	Nazareth
Beneswela	Luiseth Materán[55]	25	Los Teques
Biyetnam	Nguyễn Huỳnh Kim Duyên[56]	25	Cần Thơ
Brasil	Teresa Santos[57]	23	Maranguape
Bulgarya	Elena Danova[58]	21	Krichim
Bulibya	Nahemi Uequin[59]	20	Santa Cruz
Curaçao	Shariëngela Cijntje[60]	27	Willemstad
Dinamarka	Sara Langtved[61]	26	Copenhague
Ekwador	Susy Sacoto[62]	24	Portoviejo
El Salvador	Alejandra Gavidia[63]	25	San Salvador
Eslobakya	Veronika Ščepánková[64]	26	Bratislava
Espanya	Sarah Loinaz[65]	23	San Sebastián
Estados Unidos	Elle Smith[66]	23	Louisville
Gana	Naa Morkor Commodore[67]	26	Accra
Gineang Ekwatoriyal	Chelsea Mituy[68]	19	Ebibeyin
Gran Britanya	Emma Collingridge[69]	23	Suffolk
Gresya	Sofia Arapogianni[70]	22	Ithaca
Guwatemala	Dannia Guevara[71]	24	Ayutla
Hamayka	Daena Soares[72]	22	Mona
Hapon	Juri Watanabe[73]	25	Tokyo
Hayti	Pascale Bélony[74]	28	Cap-Haïtien
Honduras	Rose Meléndez[75]	27	Limón
Indiya	Harnaaz Sandhu[76]	21	Chandigarh
Irlanda	Katharine Walker[77]	26	Belfast
Israel	Noa Cochva[78]	22	Bnei Atarot
Italya	Caterina Di Fuccia[79]	23	Marcianise
Kambodya	Ngin Marady[80]	22	Nom Pen
Kamerun	Michèle Ange Minkata[81]	27	Yaoundé
Kanada	Tamara Jemuovic[82]	27	Toronto
Kapuluang Birheng Britaniko	Xaria Penn[83]	18	Tortola
Kapuluang Kayman	Georgina Kerford[84]	18	George Town
Kasakistan	Aziza Tokashova[85]	27	Almaty
Kenya	Roshanara Ebrahim[86]	28	Nairobi
Kolombya	Valeria Ayos[87]	27	Cartagena
Kosobo	Tuti Sejdiu[88]	19	Gjilan
Kosta Rika	Valeria Rees[89]	28	Heredia
Kroasya	Ora Ivanišević[90]	20	Dubrovnik
Laos	Tonkham Phonchanhueang[91]	26	Vientiane
Lupangyelo	Elísa Gróa Steinþórsdóttir[92]	22	Garðabær
Malta	Jade Cini[93]	26	Valletta
Mawrisyo	Anne Murielle Ravina[94]	26	Rodrigues
Mehiko	Débora Hallal[95]	25	Las Mochis
Moroko	Kawtar Benhalima[16]	22	Marrakesh
Namibya	Chelsi Shikongo[96]	24	Walvis Bay
Nepal	Sujita Basnet[97]	28	Katmandu
Niherya	Maristella Okpala[98]	28	Anambra
Nikaragwa	Allison Wassmer[99]	26	Managua
Noruwega	Nora Nakken[100]	23	Trondheim
Olanda	Julia Sinning[101]	24	Amsterdam
Panama	Brenda Smith[102]	27	Lungsod ng Panama
Paragway	Nadia Ferreira[103]	22	Villarrica
Peru	Yely Rivera[104]	27	Arequipa
Pilipinas	Beatrice Luigi Gomez[105]	26	Lungsod ng Cebu
Pinlandiya	Essi Unkuri[106]	23	Vaasa
Polonya	Agata Wdowiak[107]	25	Łódź
Porto Riko	Michelle Colón[108]	21	Loíza
Portugal	Orícia Domínguez[109]	27	Lisboa
Pransiya	Clemence Botino[20]	24	Baie-Mahault
Republikang Dominikano	Debbie Aflalo[17]	27	Azua
Republikang Tseko	Karolína Kokešová[110]	25	Praga
Rumaniya	Carmina Cotfas[111]	21	Cluj-Napoca
Rusya	Ralina Arabova[112]	22	Kazan
Singapura	Nandita Banna[113]	21	Singapore
Suwesya	Moa Sandberg[114]	25	Estokolmo
Taylandiya	Anchilee Scott-Kemmis[115]	22	Chacheongsao
Timog Aprika	Lalela Mswane[116]	24	Richards Bay
Timog Korea	Jisu Kim[117]	23	Seoul
Tsile	Antonia Figueroa[118]	26	La Serena
Tsina	Shi Yin Yang[119]	20	Beijing
Turkya	Cemrenaz Turhan[120]	23	Istanbul
Ukranya	Anna Neplyakh[121]	27	Dnipro
Unggaria	Jázmin Viktória[122]	20	Budapest

• Opisyal na website