Sita

Sa panitikang Hindu, si Sita ay ang babaeng minamahal ni Rama, ang pangunahing tauhan sa Ramayana. Ayon sa salaysay ng Ramayana, nakasama ni Rama si Sita, pati na rin ang kapatid sa magulang ni Rama na si Laksana, nang napaalis si Rama mula sa kanyang kaharian at napilitang mamuhay sa isang gubat. Habang nasa gubat silang tatlo, tinangay ng dimonyong-haring si Ravana ng Lanka o Sri Lanka si Sita patungo sa kaniyang sariling kaharian. Nagawang maibalik nina Rama at Laksana si Sita sa pamamagitan ng tulong ni Sugriva, ang hari ng mga unggoy, at ng heneral nitong si Hanuman; kaya't nakabalik sina Rama at Sita sa kanilang kaharian ng Oudh.^[1]