Unibersidad ng Peking
Ang Unibersidad ng Peking[1] (dinadaglat bilang PKU at kolokyal na kilala sa Tsino bilang Běidà 北大; Tsino: 北京大学, pinyin: Běijīng Dàxué; Ingles: Peking University), ay isang pangunahing unibersidad sa pananaliksik ng Tsina na matatagpuan sa Beijing (Peking) at isang miyembro ng C9 League. Ito ay ang unang modernong pambansang unibersidad na itinatag sa China, na itinatag bilang ang Imperial University of Peking noong 1898 bilang kapalit ng sinaunang Taixue o Guozijian, o Imperial Academy.[2] Ito rin ay nagsilbi bilang ang pinakamataas na pangangasiwa para sa edukasyon (ministri ng edukasyon) sa Tsina sa simula ng pagtataguyod nito.[3] Noong 1920, ito ay naging isang sentro para sa progresibong pag-iisip. Ang Unibersidad ay laging nairaranggo bilang ang nangungunang institusyon para sa mas mataas na pag-aaral sa kontinental na Tsina (mainland China).[4][5][6][7][8] Bilang karagdagan sa reputasyong akademiko, ang unibersidad ay lalong kilala sa pisikal na kampus nito,[9][10][11] at sa kagandahan ng mga tradisyonal na arkitekturang Tsino dito.[12]
Sa buong kasaysayan ng pamantasan, ang unibersidad ay nag-eduka sa maraming prominenteng mga palaisip na Tsino sa modernong panahon, kabilang na sina: Mao Zedong, Lu Xun, Gu Hongming, Mao Dun, Li Dazhao, at Chen Duxiu.[13] Ang Unibersidad ay impluwensyal sa pagkakapanganak ng Bagong Kilusang Pangkultura sa Tsina, Kilusang Mayo 4, ang mga pagpoprotesta sa Liwasan ng Tiananmen noong 1989 at maraming iba pang mga makabuluhang kaganapan.[14]
Akademika
Maraming mga pagraranggo sa loob ng bansa ang naglalagay sa Unibersidad ng Peking bilang isa sa mga nangungunang unibersidad sa Tsinang kontinental. Noong 2015, ang Chinese University Alumni Association sa pakikipagtulungan ng China Education Center ay itinuring ito bilang nangunguna ika-1 sa lahat ng mga pamantasang Tsino.
Kampus, sining at kultura
Noong 2008, niranggo ng THE-QS World University Rankings ang Unibersidad ng Peking bilang ang ika-23 pinakamahusay na unibersidad sa mundo sa sining at humanidades; ito rin ang pinakamataas na ranggong unibersidad mula sa Asya sa larangang ito.[15] Ang Peking ay niraranggo bilang ika-18 (2007 ranggo),[16] ika-10 (2006 ranggo),[17] ika-6 (2005 ranggo),[18] at ika-7 (2004 ranggo)[19] pinakamahusay na pamantasan ng sining at humanidades sa mundo.
Mga sanggunian
39°59′23″N 116°18′19″E / 39.989722222222°N 116.30527777778°E