Oleg Sokov
Oleg Yuryevich Sokov (ruscha: Олег Юрьевич Цоков, 1971-yil 23-sentyabr, Gʻazalkent, Toshkent viloyati, OʻzSSR – 2023-yil, 11-iyul, Berdyansk, Zaporojye viloyati, Ukraina) – rossiyalik harbiy qoʻmondon, general-leytenant (2023), Rossiya Federatsiyasi Qahramoni (vafotidan keyin, 2023-yil).
Oleg Yuryevich Sokov | |
---|---|
Asl ismi | ruscha: Олег Юрьевич Цоков |
Tavalludi | 1971-yil 23-sentyabr Gʻazalkent, Toshkent viloyati, OʻzSSR |
Vafoti | 2023-yil 11-iyul Berdyansk, Zaporojye viloyati, Ukraina |
Fuqaroligi | ![]() ![]() |
Qoʻshin turlari | moto-oʻqchi qoʻshinlari |
Xizmatdagi yillari | 1990—2023 |
Unvoni | General-leytenant |
Qoʻmondonlik qilgan | 205-alohida moto-oʻqchi brigadasi Dengiz piyodalari 810-alohida gvardiyachi brigadasi 228-moto-oʻqchi polki |
Jang/urush | Birinchi chechen urushi, Ikkinchi chechen urushi, Rossiyaning Suriyadagi harbiy operatsiyasi, Rossiyaning Ukrainaga bosqini |
Mukofotlari | Andoza:Rossiya qahramoni ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Bilimi | Toshkent oliy umumqoʻshin qoʻmondonlik bilim yurti (1994), M. V. Frunze nomidagi Harbiy akademiya (2000) |
Rossiyaning Ukrainaga bosqini tufayli Yevropa Ittifoqi, Buyuk Britaniya va Yangi Zelandiya tomonidan sanksiyalar ostidagi shaxslar roʻyxatiga kiritilgan.
2022—2023-yillarda Rossiyaning Ukrainaga bosqinida ishtirok etgan. Ukraina shaharlariga raketa zarbalari berishda qatnashgan[1]. 2022-yilda 144-divizionni boshqargan. 2022-yil sentyabrida Lugansk viloyatining Svatove shahriga ukrainaliklarning zarbasi natijasida yaralangan. 2023-yil 11-iyulda Zaporojye viloyati Berdyansk shahrida raketa zarbasi natijasida halok boʻlgan.
Tarjimai holi
1971-yil 23-sentyabrda Toshkent viloyatining Gʻazalkent shahrida harbiy va oʻqituvchi oilasida tugʻilgan. Oʻrta maktabni tugatganlik shahodatnomasini olishdan oldin 11 ta maktabni almashtirgan.
Toshkent oliy umumqoʻshin qoʻmondonlik bilim yurtini (1994), M. V. Frunze nomidagi Harbiy akademiyani tamomlagan (2000).
Bilim yurtini tamomlagach, Sibir harbiy okrugida vzvod komandiri, keyin esa rota komandiri lavozimlarida xizmat qilgan. Birinchi chechen urushida qatnashgan.
2000-yildan 2004-yilgacha – 74-alohida moto-oʻqchi brigadasi 2-moto-oʻqchi batalyoni komandiri, mayor, podpolkovnik (Yurga). Ikkinchi chechen urushida qatnashgan.
2004-yildan – Zvenigorod-Berlin ordenli 74-alohida gvardiyachi moto-oʻqchi Kutuzov va Suvorov brigadasi komandiri oʻrinbosari.
2006-yildan – Sevastopol ordenli 228-moto-oʻqchi Aleksandr Nevskiy polki komandiri.
2010-yilda u shartnoma asosida xizmat qiluvchi askarlar boʻyicha firibgarlikda ayblangan, tergovchilarning soʻzlariga koʻra, u muddatli harbiy xizmatchilarni shartnoma asosidagi xizmat qiluvchilarga oʻtkazgan va ularning maoshlarini oʻzlashtirgan[2].
2011-yildan 2014-yilgacha – Janubiy harbiy okrug (Maykop) 49-armiyasining 33-alohida moto-oʻqchi brigadasi komandirining oʻrinbosari.
2014-yildan 2015-yilgacha – SSSR tuzilganining 60 yilligi nomidagi dengiz piyodalari Jukov ordenli 810-alohida gvardiyachi brigadasi komandiri[3].
2015-yildan 2018-yilgacha – 205-alohida moto-oʻqchi brigadasi komandiri (Budennovsk, Stavropol oʻlkasi).
2018-yildan 2019-yilgacha – Janubiy harbiy okrugi 49-umumqoʻshin armiyasi komandir oʻrinbosari (Stavropol)[4].
2019-yil sentyabrdan 2021-yil iyungacha – Rossiya Federatsiyasi Qurolli Kuchlari Bosh shtabi Harbiy akademiyasining (Milliy xavfsizlik va davlat mudofaasi fakulteti) tinglovchisi[5][6].
2022-yil 24-fevraldan Ukraina ishgʻolida ishtirok etgan. U Ukraina shaharlariga raketa zarbalarida qatnashgan[1]. 2022-yil avgustdan – Suvorov ordenli 144-gvardiyachi moto-oʻqchi dviziyasi komandiri (Smolensk)[manba kerak]. U Ukraina janubidagi Rossiya qoʻshinlarini Ukraina qarshi hujumini qaytarishda boshqargan[7][8].
Oʻlimi
2023-yil 11-iyulda u Ukraina Qurolli Kuchlari tomonidan Berdyanskdagi Rossiya 58-armiyasining zaxira qoʻmondonlik punktiga raketa zarbasi natijasida Janubiy harbiy okrug komandiri oʻrinbosari sifatida halok boʻldi[1][9]. Ukraina tomoniga koʻra, hujum „Storm Shadow“ raketasi bilan amalga oshirilgan[10].
Sanksiyalar
2022-yil 13-dekabrda Rossiyaning Ukrainaga bosqini munosabati bilan u Ukraina shaharlariga raketa hujumlarida qatnashgani uchun Buyuk Britaniya[11] va Yangi Zelandiya[12] tomonidan sanksiyalarga ostida qoldi[13]. Avvalroq, 19-oktyabr kuni u „Ukrainaning tinch aholisi va shaharlariga raketa hujumlari uyushtirish orqali 2022-yilda Ukrainaga noqonuniy bostirib kirishda ishtirok etgani uchun“ Ukrainaning sanktsiyalar roʻyxatiga kiritilgan edi[14][1].
2023-yil 25-fevralda u „Ukrainaga qarshi tajovuzkor urushda qatnashgani uchun“ Yevropa Ittifoqi tarkibidagi barcha davlatlarining sanksiyalar roʻyxatiga kiritilgan[15]. Shuningdek, shunga oʻxshash sabablarga koʻra u Shveysariya va Yaponiyaning sanksiyalar roʻyxatida boʻlgan[16].
Oilasi
Oleg Sokov turmush qurgan va bir oʻgʻil va bir qizni tarbiyalagan.
Olgan mukofotlari
![](http://upload.wikimedia.org/wikipedia/commons/thumb/c/c0/Oleg_Tsokov.jpg/220px-Oleg_Tsokov.jpg)
- Rossiya Federatsiyasi Qahramoni (2023-yil 19-iyul)[17];
- Jukov ordeni[18];
- Uch karra Jasorat ordeni[18];
- "Harbiy xizmat uchun" ordeni[18];
- „Suriyadagi harbiy operatsiya ishtirokchisi“ medali;
- I, II, III darajali „Harbiy xizmatdagi yaxshi ishtiroki uchun“ medali;
- I va II darajali „Harbiy jasorati uchun“ medali[19];
- "Jangovar hamdoʻstlikni mustahkamlash uchun" medali;
- „Gʻalaba kuni harbiy paradda ishtirok etganlik uchun“ medali;
- "Quruqlikdagi kuchlardagi xizmatlari uchun" medali;
- "Kavkaz – 2012" strategik qoʻmondonlik-shtab mashqlari" medali;
- "Qrimni qaytarish uchun" medali;
- Rossiya Federatsiyasining xizmat koʻrsatgan harbiy mutaxassisi.