Osiyoda COVID-19 pandemiyasi
2019-20 koronavirus pandemiyasi Osiyoda, Xubeyda (Xitoy) boshlandi va qitʼada keng tarqaldi. 2020-yil 22-mart holatiga koʻra, Osiyoda, Tojikiston, Turkmaniston va Shimoliy Koreyadan tashqari har bir mamlakatda kamida bitta COVID-19 holati qayd etilgan.
Osiyoda COVID-19 pandemiyasi | |
---|---|
Kasallik | COVID-19 |
Virus shtammlari | SARS-CoV-2 |
Joylashuv | Osiyo |
Birinchi holati | Uxan, Xitoy |
Aniqlangan sanasi | 1-dekabr 2019-yil |
Tasdiqlangan holatlar | 322,622 |
Tuzalish | 159,945 |
Oʻlimlar | 12,019 |
Territoriya | 49 |
Rasmiy vebsayt | |
coronavirus.gov |
Hozirgi kunda Osiyoda qayd etilgan holatlarning eng koʻp soni Xitoy, Turkiya va Eronda qayd etilmoqda.Hindistonda tezlik bilan oʻsib bormoqda.
Janubi-Sharqiy Osiyoning bir qator davlatlari 27-fevraldan 1-martgacha Kuala-Lumpurdagi masjidda boʻlib oʻtgan „Tabligʻi jamoat“ tadbiridan soʻng kasallanish holatlari koʻpayishi kuzatildi[1][2].
Hindiston va Pokistonda sodir boʻlgan shunga oʻxshash voqealar ushbu mamlakatda kasallanish holatlarning koʻpayishiga sabab boʻldi.
Tasdiqlangan holatlar
Afgʻoniston
2020-yil 23-fevralda Hirotning yaqinda Qumdan qaytgan uchta fuqaroda COVID-19 virusi borligi gumon qilindi. Qon namunalari keyingi tekshiruv uchun Kobulga yuborilgan[3]. Keyinchalik Afgʻoniston Eron bilan chegarasini yopdi.
24-fevral kuni Afgʻonistonda SARS-CoV-2 Hirotdan boʻlgan uch kishidan birida birinchi COVID-19 holati tasdiqlandi[4]. 7-mart kuni Hirot viloyatida uchta yangi holat tasdiqlandi[5]. 10-mart kuni Hirot viloyatidan tashqarida birinchi kasallanish holati Samangan viloyatida aniqlandi, jami kasallanganlar beshtaga yetdi[6].