Prokopis Pavlopoulos
Prokopis Pavlopoulos (grekcha: Προκόπης Παυλόπουλος, 10-iyul 1950-yil, Kalamata) – 2015-yil 13-martdan 2020-yil 13-martgacha Gretsiya prezidenti[1][2].
| Prokopis Pavlopoulos | |
|---|---|
Προκόπης Παυλόπουλος | |
 | |
  | |
| Mansab davri 2015-yil 13-martdan – 2020-yil 13-martgacha | |
| Hukumat boshligʻi | Alexis Tsipras |
| Oʻtmishdoshi | Karolos Papoulias |
| Vorisi | Katerina Sakellaropoulou |
| Gretsiya ichki ishlar vaziri | |
| Mansab davri 2007-yil 19-sentyabrdan – 2009-yil 11-sentyabrgacha | |
| Oʻtmishdoshi | Spiridon Flougaitis |
| Vorisi | Spiridon Flougaitis |
| Gretsiya davlat ma’muriyati vaziri | |
| Mansab davri 2004-yil 10-martdan – 2007-yil 24-avgustgacha | |
| Oʻtmishdoshi | Nikolaus-Mikail Alivizatos |
| Vorisi | Spiridon Flougaitis |
| Shaxsiy maʼlumotlari | |
| Tavalludi | 10-iyul 1950-yil Kalamat |
| Mukofotlari |   |
Biografiya
Prokopis Pavlopulos Kalamatada oʻrta maktab direktori va oʻqituvchisi oilasida tugʻilgan, shu shaharda oʻsgan[3][4]. 1968-yilda Afina universitetining huquq fakultetiga oʻqishga kirdi[4].
1975-yilda hukumat stipendiyasi bilan Parij Panteon-Assas universitetida davlat huquqi boʻyicha doktorlik darajasini oldi[5]. Keyin Gretsiyaga qaytib, Gretsiya armiyasida harbiy xizmatni oʻtadi (1978–79)[5]. 1980-yilda Afina universitetida oʻqituvchi boʻlgan. 1986-yilda esa dotsent lavozimiga koʻtarildi. 1989-yilda maʼmuriy huquq kafedrasi professori etib saylandi[6]. 1986-yilda Pavlopulos Panteon-Assas universitetining yordamchi oʻqituvchisi edi[7].
1996-yilgi parlament saylovlarida Yangi Demokratiya partiyasidan parlament aʼzosi etib saylangan. 2000-yilgi parlament saylovlarida Afina A saylov okrugidan deputat etib saylangan. 1996-yil 20-aprelda Evert tomonidan Yangi Demokratiyaning Matbuot va Axborot kotibi etib tayinlangan. 2000-yil 14-aprelda uning Parlament matbuot kotibi boʻldi[8][9]. 2000, 2004, 2007, 2009 va 2012-yillardagi saylovlarda ketma-ket qayta saylangan[10].
2004-yil mart oyida oʻtkazilgan „Yangi demokratiya“ gʻalaba qozongan saylovlardan soʻng Pavlopulos 10-mart kunida Bosh vazir Kostas Karamanlisning yangi hukumatida Ichki ishlar, davlat boshqaruvi va markazsizlashtirish vaziri boʻldi[11][12]. 2007-yil sentabrdagi parlament saylovlarida „Yangi demokratiya“ gʻalaba qozonganidan keyin tayinlangan hukumatda Ichki ishlar vazirligi Jamoat tartibini saqlash vazirligi bilan birlashtirildi. Pavlopoulos ichki ishlar va jamoat tartibi vaziri boʻldi[13].
17 fevral kuni Bosh vazir Aleksis Tsipras prezidentlik saylovlarida hukmron Syriza – ANEL koalitsiyasining Gretsiya prezidenti lavozimiga nomzodi sifatida Pavlopulosni koʻrsatdi[14]. 2015-yil 18-fevralda Syriza, ANEL va oʻzining „Yangi demokratiya“ partiyasi tomonidan qoʻllab-quvvatlangan Pavlopulos Gretsiya parlamenti tomonidan 233 ovoz bilan Gretsiyaning prezidenti etib saylandi. 2015-yil 13-martda Karolos Papulyasning vakolat muddati tugagandan soʻng oʻrnini egalladi[15].
Oilasi
Vlassia Pavlopoulou-Peltsemi bilan turmush qurgan, ularning ikkita qizi: Mariya va Zoe, bir oʻgʻli Vasilis bor[16][17].