Rosselxozbank
Rosselxozbank (ruscha: Россельхозбанк) (Rossiya Qishloq xoʻjaligi banki) – Rossiya Markaziy banki litsenziyasiga asosan faoliyat olib boruvchi davlat banki (100%). Bank Rossiya agrobiznesini kreditlashda yordam beradi.
Turi | Davlat mulki |
---|---|
Xizmatlari | Bank ishi |
Tarmogʻi | Moliyaviy xizmatlar |
Egasi | Federal Agency for State Property Management |
Qachon asos solingan | 2000 |
Joylashuvi | Moskva, Rossiya |
Asoschi(lari) | Rossiya hukumati |
Rahbariyat | Dmitriy Patrushev (Kuzatuv kengashi raisi) Boris Listov (Boshqaruv raisi) [1] |
Aylanma daromadi | 235 330 000 000[2] |
Operatsion foydasi | 2.8 mlrd rubl (2020) |
Boyligi | 3.3 trln (rubl) |
Sof foydasi | −19 479 000 000[2] |
Shoʻba korxonalari | „RSXB – Straxovanie“ AJ, „RSXB Upravlenie Aktivami“ MChJ, „RSXB-Lizing“ MChJ, „RSXB-Faktoring“ MChJ, „RSXB Intex“ MChJ va "Torgoviy dom „Agrotorg“ MChJ |
Vebsayti | rshb.ru/en/ |
Tarixi
Zamonaviy agrobiznes ishlab chiqarish tizimlari kapital talab qiladi. Agrobiznesda foydalaniladigan kapitalning katta qismi qarzga olinadi. Rossiyada agrar sohani kreditlash tizimi 1882-yilda birinchi ixtisoslashtirilgan banklar – „Dehqon yer banki“ va „Dvoryan yer banki“ tashkil etilgan paytdan boshlanadi. Sovet davrida uzoq muddatli kreditlarning qariyb 90 foizi qishloq xoʻjaligini moliyalashtirish uchun berilgan.
Rosselxozbank 2000-yil 15-martda Rossiya Prezidenti vazifasini bajaruvchi Vladimir Putinning maxsus farmoni bilan agrobiznes sohasida davlat kredit-moliya siyosatining drayveri boʻlib, mijozlar tomonidan kuchli qoʻllab-quvvatlanish, asosiy biznes va texnologiyalarga sarmoya kiritish va Rossiya Federatsiyasida agrobiznesning milliy kredit-moliya tizimining asosi boʻlish uchun qishloq xoʻjaligiga koʻmaklashish maqsadida tashkil etilgan.
Rosselxozbank aksiyalarining 100 foiz ulushi Rossiya Federatsiyasi tomonidan nazorat qilinadi. Muomalaga chiqarilgan oddiy aksiyalarning 78,66% (2018-yil 31-dekabr holatida 77,11%) Davlat mulkini boshqarish federal agentligiga, 5,69% (2018-yil 31-dekabr holatida 6,1%) Rossiya Moliya vazirligiga, 15,65% (2018-yil 31-dekabr holatida 16,79%) „Omonatlarni sugʻurtalash agentligi“ davlat korporatsiyasiga tegishli.
Dmitriy Nikolayevich Patrushev 2018-yilning iyun oyidan buyon bank kuzatuv kengashi raisi lavozimida ishlab kelmoqda[3][4][5].
2020-yilda Rosselxozbank „Svoe. Fermerstvo“ (ruscha: Своё.Фермерство) ekotizimini ishga tushirdi[6][7]. Ekotizim agrosanoat majmuasida faoliyat yurituvchi kichik korxonalarni har tomonlama raqamlashtirish uchun moʻljallangan, shuningdek, qishloq xoʻjaligi mahsulotlarini Svoe Rodnoye maerketpleysi orqali sotishda yordam beradi[8][9]. 2022-yil uchun Svoe ekotizimi 30 dan ortiq biznes xizmatlari va subplatformalarni birlashtiradi[10].
Sanksiyalar
2022-yil 24-fevralda AQSh prezidenti Jo Bayden Rossiyaning Ukrainaga bostirib kirishiga javoban Rosselxozbank va boshqa Rossiya moliya institutlariga nisbatan iqtisodiy sanksiyalar kiritdi[11].
Manbalar
Havolalar
- Rasmiy sayti (English and ruscha)
- 2019-yilgi yillik hisoboti
- Rosselxozbank Boshqaruv raisi Boris Listov bilan uchrashuv
- Rosselxozbank (Moskva) 2020-yilda 1-pogʻona dunyo banklari top 1000 ligiga kirdi
- Russian Agricultural Bank shrugs off crisis thanks to specialist focus
- Russian Agricultural Bank to get $137 million capital injection