Sofia Jakobsson
Eva Sofia Jakobsson (1990-yil 23-aprelda tugʻilgan) — shved futbolchisi, Milliy ayollar futbol ligasida “ San-Diego Wave ” jamoasi sharafini himoya qiladi. U 2011-yilda Shvetsiya ayollar terma jamoasida debyut qilgan va 2019-yilda 100 - oʻyinda gʻalaba qozongan. Yakobsson oʻz mamlakatini 2013-yilgi UEFA ayollar chempionatida, shuningdek, 2011, 2015 va 2019 FIFA ayollar oʻrtasidagi jahon chempionatlarida himoya qilgan. U shuningdek, 2012, 2016 va 2020-yillardagi futbol boʻyicha Olimpiya oʻyinlarida ham Shvetsiya jamoasi tarkibida.
.jpg) | |||
| Shaxsiy maʼlumot | |||
|---|---|---|---|
| Toʻliq ismi | Eva Sofia Jakobsson[1] | ||
| Tavallud sanasi | 23-aprel 1990-yil[2] | ||
| Tavallud joyi | Örnsköldsvik, Shvetsiya[3] | ||
| Boʻyi | 1.74 m | ||
| Ampluasi | Hujumchi | ||
| Klub maʼlumoti | |||
Joriy klub | San Diego Wave | ||
| Raqami | 10 | ||
| Professional faoliyati* | |||
| Yillar | Jamoa | Isht. | (Gol.) |
| 2006 | Hägglunds IoFK | ||
| 2007 | Östers IF | 21 | (9) |
| 2007—2011 | Umeå IK | 58 | (18) |
| 2011—2013 | WFC Rossiyanka | 13 | (9) |
| 2013 | Chelsea | 11 | (6) |
| 2013—2014 | BV Cloppenburg | 22 | (5) |
| 2014—2019 | Montpellier HSC | 91 | (50) |
| 2019—2020 | CD Tacón | 20 | (7) |
| 2020—2021 | Real Madrid | 33 | (8) |
| 2021 | Bayern Munich | 5 | (1) |
| Milliy terma jamoa | |||
| 2011– | Shvetsiya | 143 | (23) |
| Xalqaro medallar | |||
| *Professional klublardagi gollari (ichki chempionat) (2-iyul 2021-yil uchun) | |||
Klubdagi karyera
Östers IF uchun ikkinchi divizionda bir mavsum oʻynaganidan soʻng, Jakobsson 2007-yilda 17 yoshida milliy chempion Umeå IK bilan shartnoma imzoladi. Umeada besh mavsum davomida u ikkita chempionat va bir mamlakat kubogini qoʻlga kiritdi va UEFA ayollar kubogida debyut qildi. Umeå 2009-yildan beri Damallsvenskandagi peshqadamlik va liderlik mavqeini yoʻqotganidan soʻng, Jakobsson yana UEFA ayollar chempionlar ligasida oʻynash uchun Rossiya chempioni WFC Rossiyankaga klubiga koʻchib oʻtdi.[4]
Chelsea
Jakobsson 2013-yil yanvar oyida Chelsi Ladies bilan shartnoma imzolagan[5] U Birmingem bilan 1:1 hisobida durang oʻynalgan oʻyinda debyut qilgan va oʻsha oʻyinda gol muallifiga aylanagan[6] keyingi oʻyinda Doncaster Rovers Bellesga qarshi dubl qayd etdi[7]. U Ayollar Superligasining ketma-ket uchinchi oʻyinida Liverpul Ladies ustidan 2:1 hisobida gʻalaba qozonishga yordam berdi[8]. U qolgan 8 oʻyinda yana 2 ta gol urib, Eniola Aluko bilan birga Chelseaning eng yaxshi toʻpurari boʻldi[9].
BV Cloppenburg
Mavsum oxiriga qadar uchta WSL oʻyini qolganda u jamoadoshi Ester bilan birga Germaniya Bundesligasiga koʻchib oʻtdi va yangi porlab kelayotgan BV Cloppenburg jamoasi bilan shartnoma imzoladi[10][11]. 2014-yil iyul oyida Jakobsson Fransiya 1-divizionining Montpellier HSC jamoasi bilan shartnoma imzolagan[12].
Real Madrid
2019-yil iyul oyida Jakobsson terma jamoadoshi Kosovare Asllani bilan birga oʻsha paytda CD Tacon nomi ostida boʻlgan Ispaniya Primerasining Real Madrid Feminino jamoasiga qoʻshildi[13]. Ispaniyadagi birinchi mavsumida Jakobsson poytaxt klubida eng koʻp gol urdi va eng koʻp golli uzatmani amalga oshirdi 8 gol va 7 golli uzatma[14].
Bayern Munich
.jpg)
2021-yilning iyun oyida Jakobsson Real Madridni tark etishini eʼlon qildi. 2021-yil 2-iyulda u Germaniyaning oliy ligasi Frauen-Bundesligada Bavariya bilan shartnoma imzoladi[15]. Jakobsson Bavariya tarkibida bor-yoʻgʻi beshta oʻyinda maydonga tushdi va 2022-yilning yanvarida Milliy ayollar futbol ligasining Amerika jamoasi San Diego Wave FC bilan shartnoma imzoladi[16].
Xalqaro karyera
Jakobsson 2011-yilda Shvetsiya terma jamoasida debyut qilgan. U Shvetsiya sharafini uchta Jahon chempionatida (Germaniya - 2011, Kanada - 2015, Fransiya - 2019) va uchta yozgiOlimpiya oʻyinlarida (London - 2012, Rio - 2016, Tokio - 2020) himoya qilgan. Uning jamoasi jahon chempionatining ikkitasida (2011 va 2019) bronza medallariga egalik qilgan boʻlsa, Rioda ham, Tokioda ham kumush medallarni qoʻlga kiritdi. U 2013-yilgi Yevropa chempionatida ham ishtirok etgan. Jakobsson 2015-yilgi Algarve kubogining eng yaxshi toʻpurari boʻlib, Shvetsiya terma jamoasi safida toʻrt marta gol urgan.
Jakobsson 2017-yilning yanvarida oʻzining fransuz klubi bilan mashgʻulot oʻtkazayotganda tizzasidan jarohat olgan va bu tufayli Shvetsiya terma jamoasining Ayollar oʻrtasidagi 2017-yilgi Yevro-2017 musobaqasida ishtirok eta olmagan[17].
2019-yil aprel oyida Jakobsson oʻzining yubiley 100-oʻyinida gʻalaba qozondi va bu voqea Shvetsiyaning Mariya Enzersdorfda Avstriyaga qarshi oʻrtoqlik uchrashuvida (2:0) urilgan gol bilan tarixga kirdi[18].
Ayollar oʻrtasidagi 2019-yilgi Jahon chempionatining chorak finalida Jakobsson Germaniya terma jamoasi hisobda oldinga chiqib olgandan keyin oʻn daqiqa ichida hisobni tenglashtiruvchi gol urdi. Shvetsiya oʻsha oʻyinda 1995-yilgi Jahon chempionatidan keyin yirik turnirda nemislar ustidan birinchi gʻalabasini qoʻlga kiritib, oʻyinda gʻalaba qozondi[19][20]. U shuningdek, oʻsha turnirning 3-oʻrin uchun oʻyinida Angliyaga qarshi oʻyinning 22-daqiqasida oʻz nomini tabloga yozdirib qoʻygan[21].
Sofia Germaniyaga qarshi chorak final va Angliyaga qarshi bronza medali uchun oʻyinning eng yaxshi oʻyinchisi deb topilgan.
Xalqaro maydonda urilgan gollar
| Gol | Oʻyin | Sana | Joy | Raqib | Start | Daq | Hisob | Natija | Turnir |
|---|---|---|---|---|---|---|---|---|---|
 2013 Yevropa Chempionati | |||||||||
1 | 2013-yil 10-iyul | Gothenburg | Daniya | 79-daqiqa | 1:1 | Guruh bosqich | |||
2 | 2013-yil 13-iyul | Gothenburg | Finlandiya | Start | 5:0 | Guruh bosiqchi | |||
3 | 2013-yil 21-iyul | Halmstad | Islandiya | Start | 4:0 | Chorak finla | |||
4 | 2013-yil 24-iyul | Gothenburg | Germaniya | 7-daqiqa | 0:1 | Yarim final | |||