Tank 500
Asboblar
Umumiy
Nashr/eksport qilish
Boshqa loyihalarda
Tank 500 | |
---|---|
Asosiy maʼlumotlar | |
Ishlab chiqaruvchi | Great Wall |
Model yili | 2022-yil |
Zavod(lar) | Tyantszin, XXR |
Tasnifi | |
Sinfi | Katta oʻlchamli SUV |
Segment | Premium |
Platformasi | GWM Tank |
Kuch moslamalari | |
Dvigateli | 6Z30 V6 |
Transmissiyasi | 9-pogʻonalik avtomat |
Quvvati | 354 |
Oʻlchamlari | |
Gʻildirak bazasi | 2850 |
Uzunligi | 4878 5070[1] |
Kengligi | 1934[1] |
Balandligi | 1905[1] |
Vazni | 2455 2535[1] |
Bak hajmi | 80 l[1] |
Eksteryer | |
Oʻrindiqlar soni | 7 |
Eshiklar soni | 5 |
Boshqa maʼlumotlar | |
Aloqador avtomobillar | Land Cruiser Prado |
Tank 500 — xitoyning Great Wall avtomobil kompaniyasi tomonidan ishlab chiqariladigan premium segmentga kiruvchi katta oʻlchamdagi ramali yoʻltanlamas[2][3]. Avtomobil ilk bor 2021-yil Chengdu avtosalonida taqdim etilgan[4].
Bu model Yaponiyaning Toyota kompaniyasi tomonidan ishlab chiqariluvchi "Land Cruiser Prado" modeli bilan raqobatlasha oladigan premium sinfiga kiruvchi katta uch qatorli krossoverdir. Avtomobilda dastlab, „Tank 600“ nomi berilgan edi, ammo Chengdu avtosalonidagi stendda avtomobil „Tank 500“ modeli sifatida taqdim etildi. Ishlab chiquvchilar bu nima bilan bogʻliqligiga aniqlik kiritmagan[5]. Shuningdek, kompaniya 2022-yil soʻngidan boshlab ushbu avtomobil bazasida „Shanhai Poer“ pikapini ishlab chiqarilishi boshladi[6].
Avtomobil saloni uch qatorli boʻlib, orindiqlar soni 7 tani tashkil qiladi. Top versiyadagi modelda 14,6 dyuymli sensorli ekran, virtual 12,3 dyuymli asboblar paneli, old o‘rindiqlarni elektroboshqaruvi, to‘rtta iqlim zonasi, ikkinchi qatorda esa 7 dyuymli ekranda harorat va havo oqimi sozlamalari aks ettirilgan axborot-ko‘ngilochar majmuasi mavjud. Panaramali tom ham mavjud. Old panelning markazida „Tank“ logotipi tushirilgan analog soat joylashtirlgan.
Ikkinchi qator oʻrindiqlarining suyanchigʻi egilish burchagi boʻyicha sozlanadi, uchinchi qator oʻrindiqlarining avtomatik tarzda yig'iladi. Orqa o'rindiqlarni yig'ish orqali tekis pol hosil boʻladi. Top versiyada ikki rangli teri bilan qoplangan o'rindiqlar, yogʻoch va alyuminiyli interyer, panoramali tom, „Yanfei Lishi“ (Infinity) „premium“ audiotizimi, matritsali LED faralar mavjud[7].
Mashinaning bamperdan bampergacha uzunligi 5070 mm, kengligi 1934 mm, balandligi esa 1905 mm ni tashkil qiladi. Gʻildirak oʻlchami 265/60 R18. Avtomobil dvigateli benzin yoqilgʻisi uchun moʻljallangan 3 litrli V6 boʻlib, uning quvvati 354 ot kuchiga (500 Nm) teng. 9-pogʻonali avtomat qutisi bilan taʼminlangan[1]. Avtomobil klirensi 224 mm boʻlib, u 800 mm chuqurlikdan oʻta oladi[8].
Avtomobil xitoy bozorida sotilish narxi 335 000 yuandan boshlanadi. Eng yuqori komplektatsiya 395 000 yuan qilib belgilangan[9].