Trần Đại Quang
Trần Đại Quang (1956-yil 12-oktyabr – 2018-yil 21-sentyabr) – Vetnamlik siyosatchi va politsiya generali[1], 2016-yildan 2018-yilda vafotigacha Vyetnamning toʻqqizinchi prezidenti boʻlib ishlagan[2]. Besh yil davomida jamoat xavfsizligi vaziri (2011–2016) lavozimida ishlagan[3]. Kuang oʻzidan oldingi Trương Tấn Sang tomonidan prezidentlikka nomzod qilib koʻrsatilgan va 2016-yil 2-aprelda Vetnam Milliy Assambleyasi tomonidan bu lavozimga saylangan. Siyosiy byuroda Kommunistik partiya bosh kotibi Nguyen Phu Trọngdan keyin ikkinchi oʻrinni egalladi[4][5].
| Trần Đại Quang | |
|---|---|
 | |
| Vyetnam Prezidenti | |
| Mansab davri 2016-yil 2-apreldan – 2018-yil 21-sentyabrgacha | |
| Hukumat boshligʻi | Nguyễn Xuân Phúc |
| Vitse-prezident | Đặng Thị Ngọc Thịnh |
| Vyetnam jamoat xavfsizligi vaziri | |
| Mansab davri 2011-yil 3-avgustdan – 2016-yil 8-aprelgacha | |
| Hukumat boshligʻi | Nguyễn Tấn Dũng |
| Oʻtmishdoshi | Lê Hồng Anh |
| Vorisi | Tô Lâm |
| Shaxsiy maʼlumotlari | |
| Tavalludi | 12-oktyabr 1956-yil Ninbin |
| Vafoti | 21-sentyabr 2018-yil (61 yoshda) Xanoy |
| Siyosiy partiyasi | Kommunist |
| Turmush oʻrtogʻi | Nguyễn Thị Hiền |
| Mansubligi |  Vyetnam |
| Qoʻshin turi | Jamoat xavfsizligi |
| Xizmat yillari | 1972–2016 |
| Unvoni | General-ofitser |
Biografiyasi
Trần Đại Quang 1956-yil 12-oktyabrda Vyetnam Demokratik Respublikasining Nin Bin provinsiyasida tugʻilgan[6]. Uning otasi daryoda baliq ovlovchi, onasi banan sotuvchi boʻlib ishlagan[7]. Ularning olti farzandi bor edi, ulardan toʻrt nafari oʻgʻil edi. Otasi vafot etgan. Onasi bolalarni oʻzi katta qilgan. Trần Đại Quang onasiga dehqonchilikda yordam bergan[8].
Kim Son B oʻrta maktabini tugatgan.
1972-yil iyuldan oktyabrgacha Xalq militsiya maktabida oʻqigan[9].
1975-yil oktyabrda Ichki ishlar vazirligi Chet tillar va madaniyat maktabini tugatgan.
1986-yilda Xalq xavfsizlik universitetini tugatgan.
1991-yil oktyabrda Nguyen Ai Quok akademiyasini tugatgan.
1991-1994-yillarda Xanoy yuridik universitetida oʻqigan[10].
1994–1997-yillarda Xo Chi Min Milliy Siyosat Akademiyasida aspiranturasi talabasi[11].
1996-yilda Yurisprudensiya fanlari nomzodi darajasini oldi[12].
2009-yilda xavfsizlik fanlari professori unvoni berilgan[13].
Trần Dại Quang avval 2011-2016 yillarda jamoat xavfsizligi vaziri, 2011-2014 yillarda OIV/OITS profilaktikasi qoʻmitasi rahbari oʻrinbosari va 2017-2018 yillarda Vetnam Qizil Xoch jamiyati prezidenti lavozimlarida ishlagan [14] U Vetnam Kommunistik partiyasining 12- Siyosiy byurosining aʼzosi boʻlib, u Bosh kotib Nguen Phu Trọngdan keyin ikkinchi oʻrinni egallagan. [15]
Trần Đại Quang 1980-yil 26-iyulda Vetnam Kommunistik partiyasiga rasman aʼzo boʻldi[16]. 1997-yildan Vetnam Kommunistik partiyasi Siyosiy byurosi aʼzosi va partiya Markaziy qoʻmitasi aʼzosi boʻldi.
2016-yil yanvar oyida Vyetnam Kommunistik partiyasining 12-syezdida Trần Đại Quang Vetnam Sotsialistik Respublikasi Prezidentligiga nomzod boʻldi va 2016-yil 2-aprelda Vetnam Milliy Assambleyasi tomonidan tasdiqlandi. Oʻsha kuni Trương Tấn Sangning oʻrnini egalladi. Shu kuni Nguyễn Xuân Phucni hukumatning yangi rahbari lavozimiga taklif qildi.
Trần Đại Quang 2018-yil 21-sentyabr kuni Xanoy shahridagi 108-harbiy markaziy gospitalda 61 yoshida virusli kasallikning asoratlari tufayli vafot etdi[17][18]. 27-sentabr kuni Xanoyda davlat dafn marosimi boʻlib oʻtdi. Nin Bindagi qabristonga dafn etilgan[19]. Xotira marosimida Vetnamning koʻplab siyosatchilari va chet ellik taniqli shaxslar qatnashdi.