南冰洋
洋
南冰洋（英语：Southern Ocean或Antarctic Ocean），也叫南極海或這南大洋，是繞牢南極洲個海洋，也是太平洋、大西洋搭印度洋南面個海，差弗多勒南緯60°朝南。[1]老法頭個人一經當仔太平洋、大西洋搭印度洋一直延伸到南極洲，南冰洋個水畀當成功「南極海」，但必過因為海洋學浪發現南冰洋有重要個弗一樣個洋流，國際水文地理組織就勒2000年確定俚是一隻獨立個大洋，變成功五大洋個第四大洋，比太平洋、大西洋搭印度洋小，必過比北冰洋大[2]。
學術界還是有科學家認為根據大洋應該有對應個中洋脊弗承認「南冰洋」該個叫法。中國大陸普遍弗承認南冰洋，中國大陸出版個課本、地圖等等（譬方2009年中國地圖出版社出版個《世界地圖集》）儕弗標南冰洋。也有一部分學者認為南極幅合帶（一隻跟牢季節變個海洋區域）是南冰洋搭其他大洋個分界線，而弗是南纬60°。[3]澳大利亞政府認為澳大利亞南面個海就屬於南冰洋。[4][5]
