印度洋
大海
印度洋（Indian Ocean），勒亞洲、非洲、大洋洲搭南極洲之間[1]，印度勒垃印度洋北面個當中位置，所以印度洋叫該個名字[2][3]，印度洋大部分勒南半球。總面積7491萬平方公里，差弗多占世界海洋總面積個21.1%[4]，是世界第三大洋[1]。印度洋個範圍北面到印度次大陸搭阿拉伯半島（南亞搭西亞）；西面到東非；東面個分界線是印度尼西亞、巽他群島搭澳大利亞；南面到南冰洋（也有定義到南極洲）。印度洋西面從勒垃厄加勒斯角個東經20°開始個經線搭大西洋連牢，東面勒東經146°55'搭太平洋連牢。[5]印度洋的頂頂北面大概是波斯灣裏向北緯30°個場化。印度洋有將近10,000公里（6,214英里）闊（從非洲南部尖角到澳大利亞），總面積差弗多73,556,000平方公里（28,400,130平方英里），[6]包括紅海搭波斯灣。印度洋個水量差弗多70,086,000立方英里（292,131,191立方公里）。[7]