叶绿素

“Chlorophyll”源自希腊语χλωρός（chloros ，绿）搭 φύλλον（phyllon，叶）。

叶绿素是二氢卟吩色素，结构高头搭血色素（当中有隻铁原子）咾啥个卟啉色素类似，二氢卟吩环当中有隻镁原子。叶绿素有得多条侧链，通常包括一条长个植基（phytyl chain）。下头是自然界寻得着个几種：

光合作用头一步就是叶绿素吸收光能、离子化。产生个化学能暂时储存拉三磷酸腺苷里，最终拿二氧化碳搭水转成功氧气搭碳水化合物。

叶绿素a搭叶绿素b吸收光谱比较接近，两者来拉堇紫光（430~480nm）搭红光（640~660nm）区域侪有一隻吸收高峰，对绿光个吸收邪气少，个咾呈现绿颜色。一度认为光合作用有得“红光极限”，直到后首有種蓝菌个叶绿素d、叶绿素f好利用近红外光（大于700纳米）进行光合作用。