朱元璋

朱元璋生勒元朝天顺帝天历元年（1328年）9月18号未时。爷名字朱世珍。娘名字陈氏。朱元璋祖籍来拉江苏沛县，祖宗勒到濠州（今朝安徽凤阳）定居。因为生个辰光，人里虫爬起，乃末原名虫扒，后首来勒拉皇觉寺再畀名字改成重八，朆多少辰光貤改朱兴宗。搞元末农民起义后名字改朱元璋，字国瑞。朱元璋小辰光帮地主牵牛。至正四年（1344年）淮北大旱，朱元璋个爷娘、兄弟先后过辈，呒不办法只好到皇觉寺去做和尚。

朱重八箇个名字，意思是“双八”，是元朝对贱民个出名字个方法，朱重八个伯儿，名字朱四五。也是箇意思，从名字里也反映出朱元璋生得歉户。

至正十二年（1352年）渠个朋友家汤和写信畀渠劝渠当红巾军，投奔郭子兴，后晚佢指挥指得好，朆多少时长便从小军官升到元帅，还讨郭子兴个养囡马氏做老安(就是后首来有名个马皇后)。至正十六年（1356年）朱元璋打落集庆，畀箇荡地当自己个大本营，名字改应天府。

朱元璋采取朱升"高筑墙、广积粮、缓称王"个建议，用稳健进攻个措施，畀徐寿辉、陈友谅搭张士诚个势力打倒。至正廿一年（1361年）朱元璋受小明王韩林儿个封，做吴国公。1364年自封吴王，就勒一年头浪畀小明王没死勒长江里向。

至正廿八年（1368年）正月初四（1月23号），朱元璋来勒应天称帝，建国号大明，年号洪武。改应天"南京"，改开封"北京"。同年闰七月，大将徐达攻克大都，元朝灭亡。洪武十四年（1381年）征服云南，中国大致一统。

洪武元年，大封诸将为公侯。初封六公，其中以六大将、一大臣为开国元勋。分别为：中山王徐达、开平王常遇春、歧阳王李文忠、宁河王邓愈、东瓯王汤和、宋国公冯胜、宣国公李善长。而后又追填封胡大海为越国公、追封英勇战死的丁德兴为济国公、汤和为信国公、冯国用封郢国公。

洪武二年（1369年）正月初十日，朱元璋命于鸡鸣山立功臣庙。当时渠告谕中书省臣：元末政乱，祸及生灵。我倡义临濠，以全乡曲。继率英贤渡大江，遂西取武昌，东定姑苏，北下中原，南平闽广，越十有六载，始克混一。每念诸将相从，捐驱戮力，开拓疆宇，有共事而不睹其成，建功而未其报。追思功劳，痛切我怀。因此，命有司立功臣庙，序其封爵，为像以祀。人孰无死，死而不朽，乃为可贵如诸将者，生建忠勇之命，死有无穷之荣；身虽殁而名永不磨灭。六月初三日庙成，朱元璋亲定功臣位次，以徐达为首，次常遇春、李文忠、邓愈、汤和、沐英、胡大海、冯国用、赵德胜、耿再成、华高、丁德兴、俞通海、张德胜、吴良、吴桢、曹良臣、康茂才、吴复、茅成、孙兴祖凡二十一人。死者像祀，生者虚位。又以廖永安、俞通海、张德胜、桑世杰、耿再成、胡大海、丁德兴七人配享太庙。此位次，屡经删汰，并非洪武二年所定名单位次。

朱元璋一共有廿六子，嫡长子为皇太子，其余侪分封为王，咦分封一个从孙为王，使之出镇全国险要。一部分镇守北方以防蒙古侵扰，称边王。渠搭东起辽东，西迄甘肃，各守据点，保卫边疆，像燕王朱棣镇北平（今北京）、宁王朱权镇大宁（今内蒙古昭乌达盟宁城县大明城）、谷王朱穗镇宣府（今河北宣化），等称为"守边"九王。余下则星罗棋布，分驻内地。如周王镇开封、楚王镇武昌、潭王镇长沙、蜀王镇成都、鲁王镇兖州等。诸王当中，北方边王势力顶大。如宁王有甲士八万，战车六千。而燕王搭仔晋王权力尤高，像中央派得去个宋国公冯胜、颖国公傅友德也它侪受渠节制，甚至朱元璋允许此两王扩展渠搭个军事势力，军中事大者方才奏闻，但该个也直接导致建文帝个靖难之变。

朱元璋多趟筹划北伐蒙古来保障北方边塞个太平。搿当中胜多败少，还成功勒拉甘肃打败过王保保、勒东北逼降纳哈出、勒蒙古高原推为点活捉元主脱古思帖木儿，必过1372年大将军徐达率领个明朝精兵勒拉和林拨王保保打败，朱元璋只好拿占领原个头蒙古老窠个企图放弃落。

明朝稳定之后，朱元璋制订着包括《大明律》勒内个一系列严格个典章制度，必过由于渠本人个性格搭仔经历等多方面个原因，勒处罚罪犯个辰光，朱元璋往往并弗按照《大明律》个规定来施刑，而是大开杀戒。

因为渠自家出生苦人家，朱元璋落魂个痛恨鱼肉百姓，徇私枉法个官员，规定过贪污60两白银就要判死刑，死脱仔还要接受剥皮实草之刑，就是死囚拨剥皮仔，剩下来个皮囊拿稻草塞勒许，做成人偶(还有一种说法是说拿剩下来个皮囊充气、定型，做成灯笼)，来杀鸡儆猴，剥皮实草之刑也拨朱元璋常用。

勒渠主政期间，处煞着交关贪官，包括开国将领朱亮祖，女婿驸马都尉欧阳伦，甚至为之郭桓案，空印案杀脱几万来名官员。交关官员侪是拨冤杀。而空印案本身拨认为是无中生有，是皇帝自家猜疑造成个。

由于朱元璋个吏治严厉，勒拉明初相当长一段辰光，官员腐败个情况得到有效遏制。同时，由于担心皇太子朱标文弱，恐怕歇仔两日弗足以驾驭虎臣虎将，为仔确保朱家天下个稳固，朱元璋勒边务稳定之后开始大规模诛戮功臣，先后炮制洪武十三年1380年个胡惟庸案、洪武廿六年1393年个蓝玉案等大规模个案件，株连人数达到4万5千来人，包括宰相李善长，胡惟庸，汪广洋，大将蓝玉、傅友德、冯胜等开国功臣拨渠清扫一空。

朱元璋虽然对官员要求来得个严厉，一头也交关注意减轻民间普通老百姓个负担，勒拉主政辰光，基本浪实现轻徭薄赋，同时多趟救济灾民。社会生产力勒渠统治期间恢复弗少，人口数量稳定增长。

朱元璋生活苛苦，工作健劲，来勒南京皇宫里向，呒拨御花园，只有御菜园，里向种满素菜，供拨皇宫。

皇后马氏勒1382年9月17号过辈。

洪武三十一年（1398年）闰五月，朱元璋驾崩勒应天皇宫。葬勒紫金山孝陵里。朱元璋遗诏46位嫔妃为渠殉葬。汉族终止仔一千来年个殉葬制度拨拉朱元璋重新启动，一径到明英宗辰光再咦废脱。

由于江南人多数支持朱元璋个对手张士诚，让朱元璋相当弗高兴，所以攻下太湖地区后，朱元璋来勒交关长个辰光内对江南人进行打压，包括强行迁移江南人口；拿江南富商，比方讲沈万三等，抄家流放；搞南北科举，歧视江南读书人等。江南人民对伊个政策相当弗满，交关被伊强制迁到凤阳个苏州人每年冬天侪装成乞丐逃往苏州。朱元璋为达到拆分江南个目的，又设立所谓个“南直隶”，拿淮海、江淮、江南文化圈强行捆绑，有造成江南地区行政割裂，想用此淡化江南人对伊个抵抗。

• 父亲 仁祖淳皇帝 朱世珍（原名朱五四）
• 母亲 淳皇后陈氏
• 兄弟姊妹
  • 朱兴隆，南昌王
• 皇后 孝慈昭宪至仁文德承天顺圣高皇后马氏，宿州人，1382年死，活得51岁。父马公母郑媪（公与媪非正式名字），郭子兴义女。
• 妃：

1. 成穆贵妃孙氏，陈州人，1374年死，活得32岁。兄孙藩，元帅马世熊义女。
2. 淑妃李氏，寿州人，父李杰。
3. 宁妃郭氏，濠州人，父郭山甫，兄郭兴、郭英。

儿囡

儿

• 朱标，大儿，懿文太子 (孝慈高皇后出) ，逝于1392年，长子朱允炆拨立为皇太孙，继明太祖帝位
• 朱樉，老二，秦愍王 (孝慈高皇后出)
• 朱棡，老三，晋恭王 (孝慈高皇后出)
• 朱棣，老四，明成祖 (硕妃出，但自称孝慈高皇后出) 來源請求
• 朱橚，老五，周定王 (孝慈高皇后出)
• 朱桢，老六，楚昭王 (胡充妃出)
• 朱榑（1364年-1428年），老七，齐王（永乐朝废为庶人）(达定妃出)
• 朱梓（1369年-1390年），老八，潭王（洪武朝自焚死）(达定妃出)
• 朱杞，老九，赵王（幼殇）
• 朱檀，老十，鲁荒王 (郭宁妃出)
• 朱椿（1371年-1423年），十一个，蜀献王 (郭惠妃出)
• 朱柏（1371年-1399年），十二个，湘献王 (胡顺妃出)
• 朱桂（1374年-1446年），十三个，代简王 (郭惠妃出)
• 朱柍，十四个，肃庄王 (郜氏出)
• 朱植，十五个，辽简王 (韩妃出)
• 朱栴，十六个，庆靖王 (余妃出)
• 朱权，十七个，宁献王 (杨妃出)
• 朱楩，十八个，岷庄王 (周妃出)
• 朱橞，十九个，谷王（永乐朝废为庶人）(郭惠妃出)
• 朱松，一廿个，韩宪王 (周妃出)
• 朱模，廿一个，沈简王 (赵贵妃出)
• 朱楹，廿二个，安惠王
• 朱桱，廿三个，唐定王 (李贤妃出)
• 朱栋，廿四个，郢靖王 (刘惠妃出)
• 朱㰘，廿五个，伊历王 (葛丽妃出)
• 朱楠，廿六个。

囡

1. 临安公主，1376年下嫁韩国公李善长子李祺（-1403年），1421年卒。
2. 宁国公主，母孝慈高皇后，1378年下嫁汝南侯梅思祖从子梅殷（淮安总兵官），1434年卒。
3. 崇宁公主，1384年下嫁牛城，未几薨。
4. 安庆公主，母孝慈高皇后，1381年下嫁欧阳伦。
5. 汝宁公主，1382年下嫁吉安侯陆仲亨子陆贤。
6. 怀庆公主，母成穆贵妃孙氏，1382年下嫁永春侯王宁，子王贞亮。
7. 大名公主，1382年下嫁滦城侯李坚，1426年卒，子李庄。
8. 福清公主，母安妃郑氏，1385年下嫁凤翔侯张龙子张麟。麟未嗣侯卒。永乐十五年（1417年）卒。
9. 寿春公主，洪武十九年（1386年）下嫁颖国公傅友德子傅忠，1388年卒。
10. 十公主，早薨。
11. 南康公主，洪武二十一年（1388年）下嫁东川侯胡海子胡观（自缢死），1438年卒。
12. 永嘉公主，母惠妃郭氏，洪武二十二（1389年）年下嫁武定侯郭英子郭镇，1455年卒。
13. 十三公主，早薨。
14. 含山公主，母高丽妃韩氏，洪武二十七年（1394年）下嫁尹清（掌后府都督事），1462年卒，寿82岁。
15. 汝阳公主，母惠妃郭氏，洪武二十七年（1392年）下嫁谢达（前府都督佥事）。
16. 宝庆公主，太祖最幼女（父崩时，年3岁），1413年下嫁赵辉（南京都督），1433年卒。
17. 福成公主，父南昌王（朱兴隆），母王氏，嫁王克恭。王克恭曾任福建行省参政，后改福州卫指挥使。
18. 庆阳公主，蒙城王（仁祖朱世珍弟寿春王之子）女，嫁黄琛（淮安卫指挥使）。

• 传说朱元璋做过明教门徒;立国过"明"当国号（小说倚天屠龙记以此为题材）。

• 朱元璋人貌之谜

Template:中国开国皇帝

维基共享资源里向寻得着搭该篇文章搭界个多媒体资源：

朱元璋