江泽民
前中国共产党中央委员会总书记
江泽民(1926年8月17号—2022年11月30号)江苏扬州人,祖籍吳越徽州府,四世祖遷居江北。中国共产党中央委员会总书记、中央军事委员会主席搭仔中共第三代领导集体核心。
2022年11月30号中午12点13分,江泽民因白血病合并多脏器功能衰竭,抢救无效,勒拉上海华东医院过世[1],享年96岁[2]。下半天16点34分,新华社发布《告全党全军全国各族人民书》,公布江泽民过世个消息[2]。2022年12月11号中午12点35分,按照江泽民死脱前个遗愿搭伊亲属个意愿,江泽民个骨灰由扬州舰护送到长江入海口撒进海里向[3]。
轶事
才艺
2002年,伊个辰光个俄罗斯总统普京曾经讲江多才多艺,勒拉各国元首当中传为佳话,又讲伊俄语讲唻好,又好用英语搭意大利语唱歌,自家“远比弗上”[4]。
江泽民有名个会得多种言语,伊个俄文[5]、英文[5]、吴语里向个上海闲话[6]、江淮官话个扬州闲话最好。有讲江泽民会得英文、俄文、罗马尼亚文,还稍微会些德文搭日文[4]。伊还会得模仿粤语、西南官话[7][8][9]。江泽民曾向美国听众背诵林肯个演讲,也曾公开背过《哈姆雷特》片段搭《西风颂》诗[4]。
2011年,《领导干部外事用语丛书》首发,江泽民还畀该书写序——《领导干部一定要努力学习外语》[10]。
江泽民勒拉笛子、书法等方面也有蛮本事个[11][12]。据新华社报道,伊一生顶欢喜西方古典音乐[4]。每年参加节庆联欢活动或者友好聚会个辰光,伊经常性上去“露一手”,或者引吭高歌,用意大利语唱我的太阳或者拉二胡、唱京剧[4]。
流行文化
2012年11月中共十八届一中全会推选习近平担任总书记以后,「膜蛤文化」开始拉简中互联网上流行起来。部分网民模仿江泽民个言语方式,产生各种流行文化[13]。
参考文献
外部链接
央视网:
人民网:
中国政府网:
前任: 赵紫阳 | 中国共产党中央委员会总书记 1989年6月—2002年11月 | 继任: 胡锦涛 |
前任: 邓小平 | 中国共产党中央军事委员会主席 1989年11月—2004年9月 |