გერი ოლდმენი
გერი ლეონარდ ოლდმენი (ინგლ. Gary Oldman დ. 21 მელახი, 1958) — ინგლისარი არტისტი, რეჟისორი, სცენარისტი, პროდიუსერი დო მუსიკოსი, ჩინებული მუშ ფური როლეფით პოპულარულ ფილმეფს.[1] თის ნალაჸაფინეფი აფუ თიჯგურა ფილმეფს, მუჭომით რე სიდი დო ნენსი, დაცქვირინე ჸუჯეფი, ჯფკ, დრაკულა, თახმი ჸოროფა, ლეონი, მახუთა ელემენტი, პრეტენდენტი, ჰარი პოტერიშ ფილმეფიშ სერია, კრისტოფერ ნოლანიშ ბეტმენიშ ტრილოგია დო არიშკომაინჯე, მაჭალი, ჯარიშკოჩი, თხობელი, თეშ მუჭო ოტელევიზიე სერიალეფს მაჸალეფი დო დონთხაფილი ანგელოზეფი.
გერი ოლდმანი | |
დაბადებაშ ჯოხო | გერი ლეონარდ ოლდმანი |
დაბადებაშ აბანი | ლონდონი, ინგლისი |
დებადჷ | 21 მელახი, 1958 |
საქვარუა | არტისტი, რეჟისორი, პროდიუსერი, სცენარისტი, მუსიკოსი |
აკოქიმინჯალაშ წანეფი | 1978–ასეშა |
ალმასქუ(ეფი) | ლესლი მენვილი (1987–1990) უმა თურმანი (1990–1992) დონია ფიორენტინო (1997–2001) ალექსანდრა ედენბორო (2008–ასეშა) |
ბიოგრაფია
ოლდმენქ ჯარალუაშ თოლჸუჯიშ გიმე მოხვადჷ 1980-იან წანეფს, მუჟამსჷთ თიში როლეფშო კინოკრიტიკოს, როჯერ ებერტიქ[2] თის „საუჯგუშო ახალი ბრიტანელი არტისტი“ დუძახუ.[3] მაღალბიუჯეტიან ჰულივუდურ ფილმეფს თარი დო მაჟირახარისხუან როლეფწკჷმა ართო, თის ხოლო ულაჸაფინჷ დუდიშულ ფილმეფს დო ოტელევიზიე შოუეფს. 1997 წანას იჸუ თიში ორეჟისორე დებიუტიქ, მუჟამსჷთ გეგნიღჷ დო ჭარჷ ვაბყინტა, ფილმი, ნამუთ გარკვიებულ თიათ თიში ბაღანობაშა რდჷ დორსხუაფილი.[4] თინი ხოლო რდჷ ათე დო ხოლო მუსხირენ ფილმიშ პროდიუსერი.
შხვა ჯილდოეფწკჷმა ართო, ოლდმენს მეღებული აფუ ნომინაციეფი ემიშ, კინოარტისტეფიშ გილდიაშ დო ბაფტაშ დაჯილდოებეფს. თის შხირას უძახჷნა ართ–ართი საუჯგუშო არტისტის, ნამუეფით ოსკარს დღას ვაჸოფე ნომინირებული[5][6][7] თიში თიაშო ომენცარე ფანტასტიკასი, თიქ მიღჷ სატურნიშ ჯილდო. 1997 წანას მიღჷ ბაფტაშ ჟირი ჯილდო ფილმიშო „ვაბყინტა“, ნამუთ ხოლო მიშართჷ კანიშ კინოფესტივალს ოკონკურსე ფილმეფიშ ეკერეცხიშა. 2011 წანას, ჟურნალქ Empire თის გიოდვეს „კინოშ სიმბოლო“, მიშნაღელი თიაშო კინემატოგრაფიას.[8]
ფილმოგრაფია
წანა | მარგალურო | ოდაბადური ჯოხოდვალა | როლი | |
---|---|---|---|---|
1991 | ფ | ჯფკ | JFK | ლი ჰარვი ოსვალდი |
1992 | ფ | ბრემ სტოკერიშ დრაკულა | Bram Stoker's Dracula | გრაფი დრაკულა |
1994 | ფ | ლეონი: პროფესიონალი | Léon: The Professional | ნორმან სტენსფილდი |
1997 | ფ | მახუთა ელემენტი | The Fifth Element | ჟან-ბაპტისტ ემანუელ ზორგი |
2001 | ფ | ჰანიბალი | Hannibal | მასონ ვერგერი |
2001 | ს | მაჸალეეფი | Friends | რიჩარდი |
2004 | ფ | ჰარი პოტერი დო აზკაბანიშ ჯალი | Harry Potter and the Prisoner of Azkaban | სირიუს ბლეკი |
2005 | ფ | ჰარი პოტერი დო დაჩხერამი ნარგისი | Harry Potter and the Goblet of Fire | სირიუს ბლეკი |
2005 | ფ | ბეტმენი: დაჭყაფური | Batman Begins | ჯეიმზ გორდონი |
2007 | ფ | ჰარი პოტერი დო ფენიქსიშ ორდენი | Harry Potter and the Order of the Phoenix | სირიუს ბლეკი |
2008 | ფ | წკურუმია აიარი | The Dark Knight | ჯეიმზ გორდონი |
2010 | ფ | ილაიშ წინგი | The Book of Eli | კარნეგი |
2011 | ფ | მაინჯე, მაჭალი, ჯარიშკოჩი, თხობელი | Tinker Tailor Soldier Spy | ჯორჯ სმაილი |
2012 | ფ | წკურუმია აიარი: ეულა | The Dark Knight Rises | ჯეიმზ გორდონი |
2012 | ფ | უკანონე | Lawless | ფლოიდ ბანერი |
2013 | ფ | პარანოია | Paranoia | ნიკოლას ვაიატი |
2014 | ფ | რობოტი-პოლიციარი | RoboCop | დოქტორი დენეტ ნორტონი |
რესურსეფი ინტერნეტის
- (ინგლისური) გერი ოლდმენი — კინოფილმეფიშ ინტერნეტ მუნაჩემეფიშ ბაზას