სანქტ-პეტერბურგიშ ტერაქტი (2017)

2017 წანაშ 3 პირელიშ აბანურ ბორჯით 14:40 სთ-ს, სანქტ-პეტერბურგიშ მეტროშ „სენაია პლოშადიშ“ დო „ტექნოლოგიური ინსტიტუტიშ“ დგჷმილეფს შქას, მოხვადჷ ტერორისტული გენთხაფაქ ასაფეთქებელი მონწყილობაშ გიმორინაფათ. ბოლო მუნაჩემეფით, 14 ადამიერქ გოჭყორდჷ^[1][2][3]. მინიმუმ 50 ადამიერქ დეღამაკჷ აფეთქებაშ ბორჯის.^[4][5][6] ასაფეთქებელი მონწყილობა ინომონტაჟაფილი რდჷ ქეისის. ხოლო ართ ასაფეთქებელ მონწყილობას მიოგორეს დო განეიტრალეს მეტროშ შხვა დგჷმილს.^[2]

რუსეთიშ ფედერაციაშ აკოგორუაშ კომიტეტიშ ვერსით, ტერორისტული აქტი გახორციელჷ ყირგიზი ერუანობაშ რუსეთიშ მენოღალე დუდმაჸვილუ აკბარჟონ ჯალილოვქ.