אטלאנטישער אקעאן
דער אטלאנטישער אקעאן אדער דער אטלאנטיק איז דער צווייט-גרעסטער ים אויף דער וועלט, ער באדעקט א פיפטל פון דעם ערד קוגל. דער נאמען אטלאנטישער אָקעאַן ווערט שוין דערמאנט אזוי פרי ווי 450 יאר פאר דער נוצרישער ציילונג.
| אקעאנען פון דער וועלט |
|---|
ער איז באהאפטן צו אלע גרויסע ימים אויף דער וועלט ווי דער ארקטיק, פאציפיק (דורכן פאנאמא קאנאל), אינדישער אקעאן און דער ים הגדול. דער אטלאנטיק גרעניצט זיך מיט די קאנטינענטן פון אמעריקע, אייראפע און אפריקע.
דער אטלאנטיק ציט זיך אויף א שטרעקע פון 41,100,000 סקווער מייל, אריינגערעכנט אלע קליינע באהאפטענע טייכלעך, מיט א געווענליכער טיפקייט פון 10,932 פיס. און אויף א שטערעקע פון 31,800,000 ס.מ. אן די באהאפטענע טייכן, מיט א געווענליכע טיפקייט פון 12,881.
פיש
די עיקר מינים פון פיש וואס מען כאפט זענען דארש, הייק, הערינג און מאקערעל. מען נעמט אויך אסאך ווענגערס, לאבסטערס און וואלפישן.
אין דעם צפון אטלאנטיק איז פאראן א לאנגער קערפער פון וואסער, דער סארגאסא ים, וואס איז מער פארזאלצן ווי דער דורכשניט, דער סארגאסא ים אנטהאלט אסאך ים־גראז און דארטן טוען אויספלאדיען די ווענגערס.
גרענעצנדע לענדער
די לענדער וואס האבן א בארטן אויפן אטלאנטישן אקעאן זענען:
אייראפע
אפריקע
דרום אמעריקע
צפון און צענטראל אמעריקע
|
קאראאיבן
|
עקאנאמיע
דער אטלאנטישער אקעאן ביישטייערט שיין צו די אנטוויקלונג און עקאנאמיע פון זיינע ארומיגע לענדער. אויסער הויפט טראנס-אטלאנטישע טראנפארטאציע און קאמוניקאציע רוטעס, האט דער אטלאנטיק ברייטע נאפט רעזערוון אין די אפזעץ-שטיינער פון די קאנטינענט-פאליצעס.[1] דער אטלאנטישער אקעאן פארמאגט נאפט און גאז פעלדער, פיש, ים-זויגערס (ים-הינט און וואלפיש), זאמד און זשווירע רעזערוון, מאנגאן-קנאלן און איידלשטיינער.[2] גאלד-געלעגערן זענען צוויי קילאמעטער אונטער וואס אויף דעם אקעאן-באדן; די געלעגערן זענען אבער איינגעהילט אין שטיין, וואס מען דארף אדורכגראבן. דערווייל איז נישט פאראן קיין מעגליכקייט אויסגראבן דעם גאלד פונען אקעאן צו פארדינען א ריווח.[3]