בריטישער מוזיי

דער בריטישער מוזיי איז א מוזיי פון מענטשלעכער היסטאריע און קולטור אין לאנדאן. זיינע קאלעקציעס, וואס זענען סה"כ מער ווי זיבן מיליאן אביעקטן,^[1] זענען פון די גרעסטע אין דער וועלט, און שטאמען פון אלע קאנטינענעטן, באשרייבנדיק די געשיכטע פון מענטשלעכן קולטור פון זיין אנהייב ביז היינט.

בריטישער מוזיי
British Museum

דער בריטישער מוזיי, באקוקט פון צפון־מזרח
אינפארמאציע
טיפ	מענשהייט־היסטאריע מוזיי
ארכיטעקט	ראבערט סמירק
אויפגעשטעלט	1753
אדרעס	Great Russell Street, London
גרינדער	האנס סלאן
מנהל	הארטוויג פישער
באזוכער א יאר	5,906,716 (אין 2017)
קאארדינאטן	51°31′10″N 0°07′37″W / 51.519444444444°N 0.12694444444444°W / 51.519444444444; -0.12694444444444  0°07′37″W / 51.519444444444°N 0.12694444444444°W / 51.519444444444; -0.12694444444444
https://www.britishmuseum.org/
(למפת צענטראל לאנדאן מוגדלת)   בריטישער מוזיי (למפת צענטראל לאנדאן רגילה)   בריטישער מוזיי לאקאציע אין צענטראל לאנדאן

דער בריטישער מוזיי איז געגרינדעט געווארן אין 1753, באזירט בעיקר אין די קאלעקציעס פון דעם וויסנשאפטלער סיר האנס סלאן. דעם מוזיי האט מען געעפנט צום ערשטן מאל צום ציבור דעם 15טן יאנואר 1759 אין מאנטאגו הויז, בלומזבורי, אין דעם זעלבן ארט ווי דער מוזיי געפינט זיך היינט. במשך די פאלגנדע צוויי און א האלב יארהונדערטער האט דער מוזיי זיך פארגרעסערט און געשאפן פארשידענע צווייג מוזייען; דער ערשטער פון זיי איז געווען דער נאטירלעכע היסטאריע מוזיי אין דרום קענזינגטאן אין 1887.

ביז 1997 איז דער בריטישער מוזיי געווען דער איינציקסטער וואס האט געהאט א נאציאנאלן מוזיי פון אנטיקן און א נאציאנאלע ביבליאטעק אין איין געביידע. אין 1997 אבער האט די בריטישע ביבליאטעק זיך געצויגן פון דעם בריטישן מוזיי צו א נייעם ארט. אזוי ווי אלע נאציאנאלע מוזייען אין דעם פאראייניגטן קעניגרייך, דארף מען נישט באצאלן אריינגיין אינעם מוזיי.^[2] זייט 2002 איז דער דירעקטאר פונעם מוזיי ניל מאגרעגאר.^[3]