人脧

每個男人都有條脧，喺軀幹下面正中央凸出。一條人脧分為根、主體同埋上皮三部分；脧根（中文：陰莖根）藏喺軀幹裏面，脧體（英文：Body of penis）即係由身體凸出嗰條，包含住連貫嘅海綿體（中文：陰莖海綿體）同尿道等條狀軟組織，而上皮部分就係包住條脧主體嘅皮膚，當中喺最前面𢫏住龜頭嗰截叫包皮。

屙尿

男人條脧係泌尿系統嘅一部份，用來屙尿。

生殖

由青春期開始，男人條脧會有能力扯旗然後射精入女人個閪度，令女人大肚。

「脧」嘅現代學名係陰莖，古粵語可能作「㞗」^[1][2]）。個「脧」字以前係童語，帶稚氣，冇冒犯，只用於細孥嘅——時而只計陰莖，時而包括全副性器官。而家作單字用時，齋指陰莖，大人之間傾談時都用到，唔指明所述成熟與否，語氣略為幽默同粗鄙。現時，疊字「脧脧」喺上述兩類情境，都會用到。

非科學用詞

粵話

• 㞗、𡳞：指成熟嘅陰莖／整個男陰^[3]。
• 𨳍：指成熟嘅陰莖／膥袋／整個男陰。
• 脧脧、賓周、㞗脧：指未成熟嘅陰莖／整個男陰^[4]。逐漸多咗人唔理發育狀態噉樣用第一、二個詞，第三個詞已經唔多人會講^[5]。
• 條、碌：條嘢同埋碌嘢都準確噉表示到「陰莖」嘅意思。以上三行所舉嘅任一字詞，必須配上「條」、「碌」或者類似量詞，先至會消除到歧義。
• 茨菰蔕（粵拼：ci4 gu1 ding6*3；俗寫：慈菇椗）：比喻男嬰陰莖／整個男嬰^[6]，量詞為「粒」或者「個」。

官話白話文

• 玉莖、𣬠𣬶（俗寫：雞巴）：準確代表「陰莖」^{[7][8][9][10]}。
• 粵語人口唔用嘅新詞同多義詞無數，在此不贅。

• 人膥
• 閹
• 屄

維基同享有多媒體嘅嘢：
Human penis

• 台灣男性學醫學會

呢篇人脧係關於性或色情嘅楔位文章，重未寫完嘅。麻煩你幫手充實佢。