各各他

各各他山（亞拉姆文：Gulgaltāʿ‎^[1]；古希臘文：Γολγοθᾶ，羅馬拼音：Golgothâ），天主教譯哥耳哥達，又叫加略山（拉丁文：Calvariae，意思係  ｢骷髏頭｣^[2]；英文：Calvary），天主教譯加爾瓦略山，意譯髑髏duk6 lau4，係耶穌基督被釘十字架嘅地方，四本福音書都有記載^[2][3][4][5]，佢只係座山仔，位於以色列耶路撒冷。

喺耶穌被釘嗰陣，佢位於耶路撒冷城郊，喺當時已經棄置咗嘅一個石礦場入面，貎似骷髏頭，上面用來釘死囚，山邊就被居民用咗來挖墳墓葬人，之後喺公元41至42年間羅馬帝國將佢併咗入耶路撒冷，而今屬於耶路撒冷舊城，基督徒區嘅一部分，原址起咗一間教堂，叫聖墓大殿^[6]。

各各他山同十字架，同樣係基督受難嘅標誌。基督新教好多聖詩都有提及，天主教就比較少有聖詩提及。