吉克雋逸

1988年，喺四川涼山州甘洛縣一個彝族音樂世家出世，佢阿媽係彝族歌手。

2008年，喺四川外語學院重慶南方翻譯學院廣告設計系畢業。2009年，參加湖南衛視《快樂女聲》攞到廣州賽區30強^[3]。

2010年至2011年，北漂走去北京拿鐵酒吧做駐唱歌手^[4]2012年8月10號，佢參加浙江衛視《中國好聲音》。喺第五場以一段悠揚嘅家鄉山歌《不要怕》開頭，之後唱咗一首《I Feel Good》，同時被庾澄慶、楊坤、劉歡、那英四位導師肯定。而節目組仲破例畀佢同阿媽合唱，最後揀咗劉歡做導師。

同年8月24號，《中國好聲音》播到第七期就嚟到導師考核階段，劉歡「死亡之組」嘅14位學生接受考核。喺組內內pk賽入面，佢同劉昊霖被分做一組，一齊唱咗一首《冬天裏的一把火》，最後贏咗。佢憑住好有辨識度同爆發力嘅聲音被「保送」，率先進入「黃金四人組」。

2013年11月30號，喺北京參加「世界好聲音」演唱會。12月6號，同楊宗緯一齊參加央視「夢想星搭檔」第一季，輸畀陳琳同阿魯阿卓，跌入「待定組」。12月13號，佢同楊宗緯臨時退出「夢想星搭檔」，由潘越雲同阿蘭達瓦卓瑪搭檔遞補。

2014年，出首張同名專輯《吉克雋逸》，並喺北京工人體育館搞首場個人演唱會。2月27號，喺首場演唱會出「即刻出發」推廣曲《我唱故我在》。3月23號，佢喺北京工人體育館搞首場個人演唱會。3月27號，參加QQ音樂年度盛典，並攞到「年度樂壇新聲獎」。

4月13號，參加音樂風雲榜年度盛典，攞到「音樂新勢力」獎。6月3號，佢出席好萊塢，唱華鼎獎。8月28號，佢喺「2014年夏季青年奧林匹克運動會」閉幕式唱《光環》。9月4號，佢為361尚品牌唱主題曲《Innovation Is Fashion》。10月28號，佢參與央視大型中韓真人騷節目《叮咯嚨咚嗆》。11月26號，佢參加第16屆中韓歌會，演唱歌曲《Let's Vogue》。 12月10號，佢參與央視大型公益音樂節目《夢想星搭檔》嘅錄製。12月23號，攞央視「光榮綻放·2014十大新銳歌手」獎。12月31號晚，佢參加「奔跑吧2015」浙江衛視跨年演唱會，唱《即刻出發》、《Mercy》，之後再次上台，同恩師劉歡唱《天地在我心》。

2015年2月19號，同陳坤，李冰冰等主演電影《鐘馗伏魔：雪妖魔靈》上映，並同劉歡合唱主題曲《奮不顧身》。截止到1月23日夜晚12點，全網48小時之內試聽量突破1300萬，打破電影《匆匆那年》同名主題曲57小時試聽破1000萬記錄；MV喺出咗24個鐘有成八百萬點擊率，新浪微博相關話題閱讀量6小時內破1億。

5月27號，由佢唱嘅《呼喚愛》入選北京申辦冬奧會優秀音樂作品。12月11號，參加東方衛視《中國之星》，做劉歡組推薦歌手。

2016年2月，喺央視春晚聯歡晚會上唱《快樂想念》。同年2月，佢接受邀請參加《夢想星搭檔》夢想公益盛典喺央視一套播出。喺節目入面，佢化身女生隊拉拉隊長，為聽障兒童籌集善款。

3月12號，佢喺中甲聯賽開幕式唱《即刻出發》同《Halo》兩首歌煽動全場氣氛。同年，佢幫迪士尼動畫電影《海洋奇緣》唱中文主題曲《海洋之心》。 同年出演由劉鎮偉執導，張豐毅、楊紫瓊、吳磊主演嘅3D影片《大鬧東海》。

2017年1月27號，第二次上央視春晚舞台，著住彝族傳統服飾，戴住重12斤嘅銀飾喺涼山分會場獨唱《情深誼長》，並喺春晚特別節目唱《祖國之子》。

2018年9月15號，佢接受邀請喺《中國新說唱》四強搶位賽做幫唱嘉賓，並同參賽者周湯豪一齊唱比莉嘅《Dear John》。

2019年2月4號，第三次上央視春晚舞台。2020年2月，加盟湖南衛視《歌手·當打之年》，喺第三輪排位賽憑住《Power To Forgive》同《Looking For Trouble》奇襲袁婭維獲勝，並喺終極對決贏咗胡夏奇襲成功，攞到正式補位資格、為第二位補位歌手，喺第五輪排位賽遭到淘汰，之後喺突圍賽演唱《交出邦尼》以第二名突圍成功。

EP

專輯

單曲

未收錄喺佢專輯但出咗嘅單曲

電影

綜藝節目

• 2012年 浙江衛視《中國好聲音》
• 2015年 CCTV3真人騷節目《叮咯嚨咚嗆》
• 2015年 東方衛視《中國之星》
• 2015年《奔跑吧兄弟》第2季
• 2015年《真心英雄》
• 2015年《12道鋒味2》
• 2015年 CCTV《中國好歌曲》
• 2016年 天貓美食綜藝節目《穿越吧廚房》
• 2016年 江蘇衛視《蓋世英雄》
• 2016年 國內首檔方言音樂綜藝節目《十三億分貝》
• 2016年 CCTV大型科學實驗節目《加油！向未來》
• 2017年 山東衛視《超強音浪》
• 2020年 湖南衛視《歌手·當打之年》

《歌手·當打之年》

2020年2月，加盟湖南衛視《歌手·當打之年》，喺第三輪排位賽憑住《Power To Forgive》同《Looking For Trouble》奇襲袁婭維獲勝，並喺終極對決贏咗胡夏奇襲成功，攞到正式補位資格、為第二位補位歌手，喺第五輪排位賽遭到淘汰，之後喺突圍賽演唱《交出邦尼》以第二名突圍成功，喺4月24號總決賽攞第四名。

被邀請參加嘅電視節目

• 吉克雋逸嘅新浪微博
• 吉克雋逸嘅facebook頁
• 吉克雋逸嘅Instagram頁
• YouTube上面嘅吉克雋逸嘅頻道
• 吉克雋逸 官方音樂