國際音標
語言學用來記音素嘅符號
國際音標（粵拼：gwok3 zai3 jam1 biu1；英文：International Phonetic Alphabet），又叫萬國音標，通常用英文縮寫 IPA（可以借入粵語做粵拼：aai1 pi1 ei1），係語言學一套方便標示全世界每種語音嘅標音符號。佢嘅特色係一隻符號（或者叫做字母）祇代表一隻語音或音素，同時用附加符號來表示唔同環境嘅音變。噉語言學家就可以用爾套系統來比較唔同語言嘅發音。佢係全球語言學家嘅共同標準。
基本諗頭
喺現實世界，人往往會攞文字寫低自己講嘅嘢，但人平時生活用嘅文字同自然語言一樣，或多或少噉有啲混沌[1]，例如
因為噉，語音學工作者就製定咗 IPA 爾套標準。IPA 最大特徵係極之精確，IPA 有一拃文字符號可以用嚟寫低講嘢嘅聲（標音），而且隻隻符號都淨係會對應一隻音，同時每隻音亦淨係對應一隻符號，仲會用「[]」嚟括住記嘅音（用意在於向睇嘅人強調返串符號係寫緊 IPA）。當研究語音學嘅人睇到一串IPA符號嗰陣，唔會有「吖，呢個符號有兩個可能嘅音喎，到底寫嘢嗰個人想表達嘅係呢個音定嗰個音？」嘅問題[1]。
例字詞：
| 語言 | 羅馬字嘅慣常寫法 | 粵譯 | IPA（五度標記法標調） |
|---|---|---|---|
| 英式英文 | language | 「語言」 | /ˈlæŋ.ɡwɪdʒ/ [2] |
| 歐洲葡文 | tarte | 「撻」 | /ˈtaɾ.tɨ/ |
| 標準官話 | běi jīng | 「北京」 | /peɪ214 tɕɪŋ55/ |
—英文同葡文傳統上慣咗用羅馬字寫，而標準官話傳統上慣咗用漢字寫，但無論用嘅文字系統係乜，IPA 都會用同一套符號寫嗰隻語言出嚟，方便語音學研究免受文字系統嘅特性干擾。
廣東話例子：
- 原句（掕住粵拼嘅漢字）：
叉燒包好食 ； - 唔標調嘅 IPA：[tsʰaː siːu̯ paːu̯ hou̯ sɪk]
上例用中括弧，表示用咗嚴式標音，即係標語音而唔係音素，所以係標[tsʰ]而唔係一般字典見到嘅ts。
睇埋
註釋
參攷文獻
出面網頁
| 前 | 央 | 後 | ||||||||
|---|---|---|---|---|---|---|---|---|---|---|
| 高／閉 | i | y | ɨ | ʉ | ɯ | u | ||||
| 次高／次閉 | ɪ | ʏ | ʊ | |||||||
| 半高／半閉 | e | ø | ɘ | ɵ | ɤ | o | ||||
| 中 | e̞／ᴇ | ø̞ | ə | ɤ̞ | o̞／ω／ꭥ／Ω | |||||
| 半低／半開 | ɛ | œ | ɜ | ɞ | ʌ | ɔ | ||||
| 次低／次開 | æ | ɐ | ||||||||
| 低／開 | a | ɶ | ᴀ | ɑ | ɒ | |||||
| 同欄嘅母音對係開口／不圓唇同合口／圓唇。括住嘅符號毋標準。 | ||||||||||