師傅七都識唱笑會

《師傅七都識唱笑會》（英文：Master Seven Concert 2022）係香港一場演唱會兼棟篤笑表演，由七仙羽（七師傅）主演，喺2022年8月12、13號（禮拜五、六）夜晚20:00喺九龍灣國際展貿中心匯星搞。表演入面七仙羽會用櫻桃小丸子、白雪公主、神奇女俠、小仙女同女唐僧等等造型嘅現身，亦請咗一啲嘉賓一齊演出同唱歌，包括郭奕芯、潘紹聰、艾粒、程仁富、鄧麗英、鍾雨璇、龐景峰、和泉素行、叢培銘、徐蒨寧、齊釨湮、符曦月同鄭欣宜^[1]。呢個係七仙羽頭一個個人大型演出，原定2022年3月搞，因為疫情關係延遲到8月搞。

ViuTV將表演剪輯成一個鐘頭版本，安排喺2023年1月21號禮拜六（年三十）23:15到00:15播出。