愛爾蘭國旗

愛爾蘭三色旗最早係一班同情愛爾蘭獨立運動嘅法國女性喺1848年送畀起義領袖湯馬士·法蘭西斯·米亞（Thomas Francis Meagher）嘅禮物^[1][2]。1916年復活節起義期間，三色旗被革命政府採用，喺都柏林郵政總局大樓上面昇起^[3]，係三色旗第一次被人用做國家象徵。1919年，三色旗被新嘅革命政府採用為國家象徵，之後嘅愛爾蘭自由邦同愛爾蘭共和國都採用同一面三色旗做國旗。而喺北愛爾蘭，三色旗被好多民族主義者用做成個愛爾蘭島嘅象徵，甚至連蓋爾運動協會都用三色旗來做成個愛爾蘭島嘅象徵^[4]。

顏色同比例

《愛爾蘭共和國憲法》第七條規定：

具體規定以總理辦公室（Roinn an Taoisigh）頒佈嘅規定為準^[6]。而根據總理辦公室嘅規定，愛爾蘭國旗由綠、白、橙^[7][8]三等份組成，長寬比例係2:1；橫掛嘅時候綠色部份靠旗杆^[6]。總理辦公室同時規定咗國旗嘅標準顏色^[6]：

習慣上，祇要顏色同比例正確，任何人可以製作任何大細嘅國旗^[3]。

有時（通常係喺文學作品裡面），有人會用綠、白、金三色來代替綠、白、橙三色^[9]，而且有時亦都會有人用金黃色或者其他相似嘅顏色來代替橙色。但係根據總理辦公室嘅規定，伊種做法係「應該要主動阻止嘅」^[3]。如果係因為國旗老化而導致甩色嘅話，就應該換過面新嘅國旗^[10]。

象徵同意義

根據愛爾蘭政府嘅官方解釋，綠色象徵愛爾蘭嘅蓋爾傳統，橙色象徵來自尼德蘭奧倫葉－拿修王室嘅英王威廉三世嘅追隨者，白色象徵希望雙方和平共存^[11]。歷史上，用綠色來做愛爾蘭共和主義嘅象徵，可以追溯到18世紀90年代嘅聯合愛爾蘭人會（Society of United Irishmen）運動^[12]。而用橙色來做威廉三世嘅支持者嘅象徵，就係因為威廉三世出自尼德蘭嘅奧倫葉－拿修王室，而奧倫葉－拿修王室係用橙色來做代表色嘅，「奧倫葉」（Oranje）伊個詞本身亦都有「橙色」嘅意思。

相關守則

• 喺愛爾蘭共和國國內，任何旗都唔可以掛得高過愛爾蘭國旗；
• 喺巡遊隊伍裡面嘅愛爾蘭國旗，必須位於「顯眼嘅位置」；
• 如果同另一面國旗交叉擺放嘅話，恁愛爾蘭國旗要喺觀察者視角嘅左邊；
• 打豎掛嘅時候，綠色要位於最上邊；
• 除非向往生者致哀，否則愛爾蘭國旗唔可以45˚前傾；
• 靈柩覆蓋愛爾蘭國旗嘅時候，綠色一定要向頭部方向；其他情況下，愛爾蘭國旗唔可以平鋪。

• 
  法國國旗
• 
  意大利國旗
• 
  象牙海岸國旗
• 
  紐芬蘭三色旗

• 愛爾蘭旗一覽
• 北愛爾蘭旗一覽