明斯克協議
《明斯克協議》係喺2014年9月喺白俄羅斯首都明斯克簽訂嘅停火協議,主要由OSCE、烏克蘭、同俄羅斯負責起草[3]。談判期間亦都包括咗烏克蘭東部頓巴斯嘅兩個親俄羅斯分裂政權(頓涅茨克人民共和國同盧甘斯克人民共和國)嘅代表嚟參與。份協議除咗落實停火之外,亦同時保障兩個分裂國會留喺烏克蘭,而烏克蘭政府就會承諾畀頓涅茨克州同盧甘斯克州更大嘅自治權。為咗更有效落實協議,2015年烏克蘭再額外制定《新明斯克協議》。
條文 | 頓巴斯戰爭 |
---|---|
簽署日期 | 2014年9月5號 |
簽署地點 | 白俄羅斯嘅明斯克 |
失效日點 | 2022年2月21號 |
調解方 | 奧朗德 默克爾 |
最初簽署者 | |
語言 | 俄文 |
條文
協議主要包含咗呢12點[1]:
備忘錄
喺簽咗《明斯克協議》原文之後幾個禮拜,兩邊依然繼續有鬥爭[4][5]。喺9月19號,談判官再一次簽咗一份備忘錄,主要都係清晰協議已經有嘅嘢[6][7]:
反應
喺簽咗備忘錄之後冇耐,兩邊又發生過鬥爭,而佢哋都賴對方違反咗份協議[8]。到10月尾,頓涅茨克人民共和國總理話會攞返所有喺之前輸過嘅地方[8][9],但係佢之後又聲稱,佢意思係只係會用和平嘅手法嚟做[10]。
喺2014年11月,兩個分裂國舉行咗自己嘅選舉[11],而OSCE主席亦肯定呢件事違反咗份協議[12]。
喺12月5號,俄羅斯外交部聲稱呢啲選舉係完全配合協議嘅規定。佢亦反駁批評烏克蘭冇對頓巴斯嘅軍事人做法律豁免[13]。
失敗
到2015年1月,明斯克協議嘅條文基本上已經消失到無影無蹤[14]。當頓涅茨克人民共和國打贏咗一場仗之後,佢哋聲稱佢哋唔會考慮份協議嘅條文,份協議正式失敗[15]。佢哋嘅官員喺之後亦肯定佢哋唔會再嘗試做停火[16],連《紐約時報》都話停火已經失咗蹤[17]。
喺1月18號,同一班談判官嘗試繼續傾停火,但係因為頓國同盧國嘅代表都冇出現,所以結果最終得個吉[18]。