李嘉誠

李嘉誠係潮州人，有兩個仔李澤鉅同李澤楷。

老婆係莊月明，李嘉誠嘅表妹兼髮妻。佢老豆莊靜庵係香港第一代鐘表商，創辦咗中南鐘表有限公司。

佢喺政治上係建制陣營（商界親中派）嘅支持者，喺第4屆香港行政長官選舉支持唐英年^[16]。

2016年旺角警民衝突爆發，3月17號，佢响業績記者會上就社會事件表態，以大唐章懷太子李賢詩句「黃台之瓜，何堪再摘」勸諫香港市民「唔好嘅嘢，唔好再搞落去」，指「就算對政治有唔同看法，都要由香港利益出發，唔可以傷害香港」。佢亦反對香港獨立運動，反問「香港有乜資格獨立？」，話大部分香港市民唔會認同，係脫離現實。

2019年夏天，香港修例風波爆發，8月16號，佢以「一個香港市民李嘉誠」名義，响香港主要報紙頭版或內頁登成版廣告（蘋果日報 (香港)除外），佢嘅訊息有兩款，一則係簡單八個字「黃台之瓜，何堪再摘。」（登响東方日報、大公報、頭條日報、晴報、信報等）；另一則中間有反暴力撈稿，上便寫「最好嘅因、可成最壞嘅果」，左便寫「愛自由、愛包容、愛法治」，右便寫「愛中國、愛香港、愛自己」，下便寫「以愛之義、止息怒憤」，各攞尾字可連成「因果由國，容港治己，義憤民誠」之句（登响明報、星島日報、成報、文匯報 (香港)、香港商報、經濟日報等）。而且「黃台之瓜，何堪再摘」呢句話係出自大唐章懷太子李賢，佢曾經响2016年3月回應旺角暴動事件時亦都有引用。

佢嘅發言人話，登廣告主要係因為佢認為「香港長期繁榮穩定，在於一國兩制行穩致遠」，今日香港要停止暴力，堅守法治。而且有兩種廣告係因為「目前香港形勢複雜，好難用單一語言或者溝通方法回應」，而且後生仔嘅聲音「震耳欲聾」，佢相信港府已經喺度絞盡腦汁諗計仔。佢亦支持繼續投放資源喺青年工作，永遠唔會後悔，因為投資青年就係投資未來。佢寄語後生仔「唔好讓今日嘅激情，成為聽日嘅遺憾」。

9月12號，中央政法委微信公眾號「長安劍」發表文章《李嘉誠出聲，究竟邊個應該畀香港後生仔「網開一面」？》，批評佢去慈山寺為香港祈福時希望港府對「未來嘅後生仔網開一面」、後生仔能夠體諒大局嘅言論係「縱容暴力」。之後，佢透過發言人發表聲明回應，對自己嘅日前嘅言論被曲解，表示十分遺憾，重話咁多年已經慣咗嗰啲莫須有嘅指責，永遠會虛心接受批評，但最緊要嘅係「寬容唔等於縱容，唔等於當法律程序冇到」，重申自己唔接受對任何暴力同埋衝擊法治嘅行為，希望各方能夠尋求空間進行對話。

對於上述嘅批評，佢話呢啲係有啲人別有用心散播惡毒猜疑同埋放流料，破壞互信，自己「呢個時候要唔招風雨」，確係唔容易。後嚟，全國政協常委、星島新聞集團主席何柱國响11月30號嘅《星島日報》A7成版登咗篇文《我所認識嘅李嘉誠先生》，用李嘉誠基金會嘅「應急錢計劃」做例子，指出李嘉誠「生冒住承受蜚短流長嘅風險，堅持挺身而出解中小企於倒懸，皆因明白到：作為愛國愛港嘅社會領袖，有責任為社會穩定出錢出力」，佢「係一個百分百嘅愛國愛港嘅人」。

• 香港再出發大聯盟發起人^[17][18]

部份金句

喺2015年，亞洲電視陷入財政問題，有記者喺長和系1月9號一個記者會問李嘉誠會唔會想收購亞視，結果佢回應「你估我好得閒？」，成為一時熱話^[16]。

維基同享有多媒體嘅嘢：
Li Ka-shing

• "Li Ka-shing". 《福布斯》 (英文).
• 香港網絡大典：李嘉誠