橙色革命
橙色革命 (烏克蘭文：Помаранчева революція) 係烏克蘭喺2004年到2005年爆發嘅社會運動，抗議烏克蘭總統選舉出現舞弊[4]。最終選舉獲安排重選，親西方嘅反對派領袖尤先科贏咗親俄嘅總理亞努科維奇，標誌住革命成功。
橙色革命 | |||||||||||||
|---|---|---|---|---|---|---|---|---|---|---|---|---|---|
| 顔色革命嘅一部分 | |||||||||||||
 2004年11月，示威者喺基輔獨立廣場聚集 | |||||||||||||
| |||||||||||||
| 衝突方 | |||||||||||||
| 尤先科 季莫申科 親尤先科黨派 一覽
| 亞努科維奇 庫奇馬 梅德韋丘克 親亞努科維奇黨派 一覽
 普京 | ||||||||||||
| 人數 | |||||||||||||
| 幾十萬 - 過百萬位示威者 (基輔市中心)[3] | |||||||||||||
歷史
喺2004年11月21號，第4屆烏克蘭總統選舉嘅第二輪投票完咗，亞努科維奇似乎贏咗。但係，媒體同時間有唔少報道聲稱有選舉舞弊嘅跡象[5]。喺冇耐之後，示威者開始上街抗議，要求取消原有嘅選舉結果，重新搞一次有外界監管嘅選舉嚟保障結果公平[6]。呢次革命都係由人民發起[7]，而大部分嘅活動都係喺烏克蘭嘅首都基輔發生[8]，但係全國嘅地方都有示威活動[9]。
喺12月4號，烏克蘭最高法院正式廢除原有嘅選舉結果，決定會喺12月26號再一次舉行選舉[10]。到選舉那一日，經過唔同國際組織嘅監管之後，佢哋宣佈呢次選舉係“公平公正”。尤先科用52%嘅得票率贏咗選舉，比佢嘅對手亞努科維奇多咗8%。烏克蘭選舉委員會之後正式宣佈尤先科做下一位烏克蘭總統[11]。橙色革命成功達到佢嘅目標[12]。
喺之後嘅時間，橙色革命一般喺白俄羅斯同俄羅斯嘅媒體都係有負面嘅含義[13][14][15][16][17]。
喺2010年第5屆烏克蘭總統選舉，亞努科維奇贏咗，而外界都承認係公平公正[18]。