流動裝置
例子
Apps
流動應用程式（mobile applications），通稱 app（粵拼：ep1）或者 apps（粵拼：ep1 si2），係泛指設計嚟預咗專係畀流動裝置（例如智能手機或者平板電腦噉）行嘅應用程式。呢啲應用程式响功能上好多樣化－由遊戲以至畫圖等嘅多種功能，ep1 si2 都有可能提供得到[1]。
例如喺 2010 年代尾風靡全球嘅 AR 遊戲 Pokémon GO 就係一隻好出名嘅手機遊戲：呢隻遊戲唔係直接將《寵物小精靈》擺落去手機度咁簡單，而係用咗手機先至做到嘅功能－畀玩家攞嚟攞去－嚟配合全球定位系統，達致畀用家喺現實世界嘅唔同位置度「捉寵物小精靈」；呢隻遊戲嘅創新取得咗重大嘅成功，仲吸引到研究者做研究，睇吓（例如）玩 Pokémon GO 可以點樣用嚟鼓勵啲人多啲郁動[2]。