神父
指任何宗教入面負責祭祀嘅人（天主教叫司鐸或者神父）
神父（指關係上係屬靈嘅父），又叫司鐸（指職務上係履行鐸職），係羅馬天主教同東正教嘅職位。千百年來只有男修士先可以晉升呢個職位。天主教嘅拉丁禮教會神父成世唔可以結婚，而東正教嘅神父可以喺晉鐸之前結婚，但係主教只係可以喺獨身者入面揀。
近年有天主教改革派人物曾經提議容許由女性擔任神父，但係俾教會嘅保守派拒絕。
要注意嘅係修女並唔等於神父，亦唔係羅馬天主教嘅宗教職位之一。
工作
神父除咗要主持彌撒同婚禮外，幫垂危者禱告、告解甚至驅魔等等都係神父嘅職務。
成為神父嘅方法
要成為神父首先要接受聖水洗禮，然後再去神學院讀神學。讀完之後亦要喺堂區實習一年先至可以成為神父。
晉升神父嘅儀式一般稱為晉鐸，必須由主教主持晉鐸儀式。晉鐸（聖秩）亦都係七大聖事之一。
種類
神父有兩種：服務教區嘅同屬於修會嘅。
