網頁
網頁（粵拼：mong5 jip6）係網站最主要類型嘅文件，通常係用HTML格式寫，可以用網頁瀏覽器去睇。
HTML
一個網頁嘅核心部份，通常係一份用 HTML 寫成嘅文件。
HTML（取自英文全名 HyperText Markup Language）係廿一世紀初最多人知嘅標記語言。網頁瀏覽器會用 HTML 嚟操作網頁嘅文字、影像同其他內容。一個網頁嘅數據會用 HTML
具體例子，一段用 HTML 碼記住嘅網頁會有一行行類似以下噉嘅碼[1][2]：
<strong>香港嘅粵語發音</strong>當中 <strong> </strong> 係教部電腦：「<strong> 同 </strong> 呢兩嚿嘢標籤住嘅內容，係要用主動嘅方法強調顯示（通常係指粗體字）。部電腦讀到以上呢行噉嘅碼，就會識顯示
- 香港嘅粵語發音
嘅字樣。好似意大利體等嘅設定，都可以用同樣方式想像。除咗呢啲顯示性質嘅資訊之外，HTML 仲可以攞嚟標籤中繼資料（即係用嚟描述資料嘅資料），能夠話畀電腦知「呢件呢件資訊係啲乜」，好似以下噉：
<title>呢行字係呔圖</title>上面段碼係話畀部機知：「<title> 同 </title> 呢兩嚿嘢夾住嗰段字，係個網頁嘅標題」；有咗呢樣資訊，部電腦就可以（唔使靠進階嘅 NLP 技術）識得分邊段字係個網頁嘅標題，能夠自動噉（例如）顯示搜尋器嘅搜尋結果嗰陣，顯示每個搵到嘅網頁嘅標題。
以下係用 HTML 寫嘅哈佬世界型網頁[註 1][註 2]：
<!DOCTYPE html><html> <head> <title>呢行字係呔圖</title> </head> <body> <div> <p>哈佬呀世界！</p> </div> </body></html>當中
<html> </html>標籤邊段字係描述緊個網頁 <title> </title>標籤邊段字係標題，標題會顯示喺「視窗最頂嗰行」等嘅地方。 <body> </body>標籤邊段字係內容，即係一位用家入咗個網頁會睇到嘅嘢。
等等。