美女廚房 (2018年)
《美女廚房》（英文：Cooking Beauties）係香港一電視節目，主題係烹飪遊戲，由無綫電視製作。
| 美女廚房 Cooking Beauties | |
|---|---|
| 類型 | 烹飪遊戲電視節目 |
| 主持 | 林盛斌、蕭正楠、張振朗 |
| 國家／地區 |  香港 |
| 每集長度 | 60分鐘（含廣告） |
| 製作 | |
| 製作人 | 電視廣播有限公司 |
| 監製 | 林俊文、陳旭亮 |
| 編審 | 陳蕙蘭、鄧詠婷 |
| 播映 | |
| 首播頻道 | 翡翠台 |
| 播出日期 | 2018年6月2號—12月1號 逢禮拜六21:30-22:30 |
| 相關節目 | |
| 相關節目 | 《美女廚房》（2006年-2009年） |
| 出面網頁 | |
| 官方網站 | |
呢個節目概念同無綫電視喺2000年代製作嘅兩輯同名節目《美女廚房》（英文：Beautiful Cooking）幾似，不過呢套節目並唔似得之前噉買咗日本朝日電視台個版權，所以節目嘅英文名改咗個新名，節目形式亦同之前有啲唔同，台前幕後都係全新嘅班底，不過有啲人都會照樣叫佢做「美女廚房第三輯」，亦有啲人將2000年代嘅版本統稱做第一輯，呢個版本就叫「美女廚房第二輯」。
呢個節目由林盛斌、蕭正楠、張振朗主持，林俊文、陳旭亮監製，由2018年6月2號到8月18號逢禮拜六21:30-22:30喺翡翠台播。節目固定演出者包括20位「美女學徒」，同埋兩位「型男助手」陳諾忠同鄧嘉傑。
2018年8月22號，無綫電視宣佈呢個節目時段改播外購劇《延禧攻略》，抽起呢個節目，等《延禧攻略》播完先至由10月13號開始喺原時段繼續播，播到12月1號。
同舊版主要差異
- 新版唔再有現場觀眾。上半部份更加遮住參賽者個樣，要電視觀眾自己估係邊個，所以節目預告無出參賽者個樣，文字版預告亦唔提邊個參賽，報紙新聞或者娛樂傳媒一樣唔講，但係第4集開始觀眾可以知道其中一位參賽者，即係要估另外兩位參賽者。
- 舊版參賽者煮到「雞手鴨腳」嘅醜態，同埋評判尖酸刻薄嘅評語，新版暫時出現得比較少。
每集內容
| 集數 | 播映日子 | 主題 | 參賽者 | 嘉賓評判 | 參賽美女學徒 |
| 01 | 6月2號 | 美女炮製男朋友餐 揭露另一半秘密 | 陳凱琳 黃心穎 龔嘉欣 | 農夫 洪永城 | 伍樂怡（Kelly） 洛兒（Lokyi） 王卓淇（Erin） |
| 02 | 6月9號 | 全部肉唔熟 主持、嘉賓「一鑊熟」中招 | 高海寧 劉佩玥 王灝兒 | 黃浩然 曹永廉 | 單文柔（Phoebe） 梁凱程（Natalie） 黃碧蓮（Linna） |
| 03 | 6月16號 | 鼎爺做評判 美女、主持齊偷師 | 王敏奕 胡定欣 李施嬅 | 李家鼎 陳山聰 歐陽偉豪 陸浩明 | 陳詩欣（Eunice） 鍾晴（Karlie） 桂儀（Abbie） |
| 04 | 6月23號 | 壓力下作賽 凡事不能看表面 | 麥美恩 黃智雯 菊梓喬 | 王浩信 伍允龍 何遠東 | 陳晨（Elsie） 魏韵芝（Joyce） 余潔瀅（Zoe） |
| 05 | 6月30號 | 恐怖基因盡現 嘉賓試食「死而無憾」 | 馮盈盈 吳若希 麥明詩 | 陳展鵬 阮兆祥 胡鴻鈞 | 阮嘉敏（Mandy） 吳紫韻（Purple） 程美段（Kiwi） |
| 06 | 7月7號 | 姊妹檔上陣 六人全部「唔合格」 | 湯洛雯、倪晨曦[註 1] 衛蘭、衛詩 呂慧儀、蘇韻姿[註 2] | 單立文 金剛 梁烈唯 | 吳嘉麗（Rei） 羅堃尉（Karen） 邱晴（Mandy） |
| 07 | 7月14號 | 三位美女有水準 型男餐男神都讚好 | 顏卓靈 王君馨 譚凱琪 | 方中信 李璨琛 唐文龍 | 郭思（Suey） 何敏怡（Homan） |
| 08 | 7月21號 | 向吳若希「致敬」 嘉賓挑戰「最後一餐」 | 蘇麗珊 蔡思貝 賴慰玲 | 陳豪 森美 余德丞 | 伍樂怡（Kelly） 陳詩欣（Eunice） |
| 09 | 7月28號 | 借菜式示愛 出現無限分數 | 黃山怡 朱晨麗 楊詩敏 | 黎諾懿 鄭俊弘 何廣沛 | 單文柔（Phoebe） 洛兒（Lokyii） |
| 10 | 8月4號 | 自製腸賣相嚇人 「軍糧餐」食到嘔食到喊 | 鄧佩儀 陳敏之 張秀文 | 陳奐仁 楊潮凱 謝東閔 | 黃碧蓮（Linna） 梁凱程（Natalie） |
| 11 | 8月11號 | 公公「四虎」 一齊掃清滿分美食 | 劉穎鏇、江嘉敏 朱千雪、岑杏賢 沈卓盈、傅嘉莉 | 曹永廉 黃浩然 黎耀祥 | 鍾晴（Karlie） 伍樂怡（Kelly） |
| 12 | 8月18號 | 缺水洋蔥湯 換得嘉賓公開道歉？ | 張寶兒 黃翠如 梁嘉琪 | 黃宗澤 吳卓羲 | 陳詩欣（Eunice） 魏韵芝（Joyce） |
| 13 | 10月13號 | 評分標準大錯亂 隨時拆散姻緣！ | 何雁詩 王菀之 陳庭欣 | 張敬軒 洪卓立 林德信 | 桂儀（Abbie） 邱晴（Mandy） |
| 14 | 10月20號 | 冧掂評判主持 破紀錄高分達成！ | 張曦雯 湯盈盈 連詩雅 | 孫耀威 關楚耀 胡諾言 | 郭思（Suey） 阮嘉敏（Mandy） |
| 15 | 10月27號 | 草蜢相識滿天下 好友廚藝要試吓 | 陳嘉桓 關心妍 鄭希怡 | 草蜢 | 余潔瀅（Zoe） 單文柔（Phoebe） |
| 16 | 11月3號 | 地獄廚神求洗污名 大眼美女只為追債 | 衛詩雅 鄧紫棋 鍾舒漫 | 谷德昭 陳家樂 吳業坤 | 伍樂怡（Kelly） 鍾晴（Karlie） |
| 17 | 11月10號 | 三位慈父勇試黑暗料理 青霞曼玉奉上優質料理 | 許靖韻、曾樂彤 姚子羚、胡蓓蔚 蔚雨芯、鄺潔楹 | 洪天明 譚俊彥 張頴康 | 吳紫韻（Purple） 洛兒（Lokyii） |
| 18 | 11月17號 | 美女學徒畢業試 過關晉級唔容易 | — | 李家鼎 薛家燕 黃智賢 陳煒 杜如風 | 全體美女學徒 |
| 19 | 11月24號 | 地獄廚神絕地反擊賽[註 3] | 蘇麗珊 馮盈盈 王灝兒 | 詹瑞文 陳百祥 | — |
| 20 | 12月1號 | 美女廚神終極挑戰賽 | 麥美恩 張曦雯 黃智雯 麥明詩 龔嘉欣 蝦頭 | 林文龍 袁偉豪 |
美女學徒
節目入面嘅美女學徒包括9位無綫藝員[1]同11位非藝員，當中無綫喺4月搞個宣傳活動入面曾經有19位非藝員出場[2]，但最終只有幾位做到正式學徒。
| 藝員學徒 | ||
| 伍樂怡（Kelly） | 王卓淇（Erin） | 單文柔（Phoebe） |
| 黃碧蓮（Linna） | 阮嘉敏（Mandy） | 邱晴（Mandy） |
| 鍾晴（Karlie） | 魏韵芝（Joyce） | 陳詩欣（Eunice） |
| 非藝員學徒 | ||
| 洛兒（Lokyi） | 梁凱程（Natalie） | 桂儀（Abbie） |
| 程美段（Kiwi） | 陳晨（Elsie） | 羅堃尉（Karen） |
| 吳紫韻（Purple） | 吳嘉麗（Rei） | 何敏怡（Homan） |
| 余潔瀅（Zoe） | 郭思（Suey） | |