西方化

西方化，又可以叫做歐洲化，係一個社會越嚟越接受西方文化嘅過程，可以包括工業、科技、教育、政治、經濟、語言、宗教、同埋倫理方面等等。喺殖民主義時代期間，西方化通常都係代表住基督教嘅擴散^[1]。

喺過去呢幾百年以嚟，西方化越嚟越普遍，有啲更加將佢等同現代化^[2]。對於西方同非西方之間嘅文化交流，其實兩邊嘅社會都會出現一啲改變^[3]，所以呢個睇法並唔完全啱，係太過簡單化。

西方化並冇一個指定嘅規則，反而係每一個社會各自同西方文化嘅互動，跟住先會出現結果，所以都唔一樣^[4]。有啲文化可能完全變到影都唔見，而其他就能夠兩種文化並存^[5]。