資訊管理(粵拼:zi1 seon3 gun2 lei5;英文:information management,IM)指管理當中負責管「個組織入面啲資訊要點打理」嗰部份。
資訊管理可以涉及相當複雜嘅技巧,例如唔同資訊保密嘅程度都唔同,有啲資訊,例如新研發緊嗰隻產品嘅數據呀噉,好敏感,淨係可以畀管理層同有份參與研發嘅工作人員可以知;而做資訊管理嘅人就要用各種嘅制度-好似係限制啲用家能夠攞到邊啲數據呀噉-嚟確保成個組織都會貫徹噉實行資訊相關制度[1]。