關係數據庫

關係數據庫（英文：relational database）係管理數據嘅一種方式，喺廿一世紀初係數據庫嘅基準咁滯。

所謂 ｢關係｣ 係一種數學概念，關係數據庫通常會以表格嘅方式出現，有若干行打橫嘅列同若干行打戙嘅行，每列表示一個個案，每行表示一款數據^[1]。

舉個簡單嘅例子說明，家陣整個數據庫用嚟記住有關啲學生嘅數據，出好似下圖噉嘅表，每一行都表示一個學生可以有嘅一個特性，包括係名（Name）同主修嘅學科（Major）呀噉，而每一列都表示某一個學生嘅數據，包括嗰個學生嘅冧把，仲有係嗰個學生嘅 Name 同 Major 呀噉，做到清清楚楚噉表達嗮一柞個案同每個個案嘅特性：

喺某個層面上，處理關係數據庫喺編程主要係用 SQL。