鱗翅目

鱗翅目屬昆蟲綱下嘅一個目。

蝴蝶

蝴蝶（butterfly），學名叫真蝶總科（Rhopalocera）係鱗翅目下嘅一個亞目，包含咗大約 18,500 個物種^[1]。

蝴蝶興响日頭行動，全部物種都識飛，兩對翼就生咗喺個胸部嘅背脊嗰度，而蝴蝶嘅翼係佢哋同其他昆蟲比起上嚟最樣眼嘅特徵之一－蝴蝶嘅翼上面有鱗，鱗會組成好多樣又鮮艷奪目嘅色水同斑紋^[2][3]。

飛蛾

飛蛾（moth），學名叫異角亞目（Heterocera）係鱗翅目下嘅一個亞目，包含咗大約 160,000 個物種－飛蛾物種嘅數量多過蝴蝶物種好多^[4]。

飛蛾冚唪唥都曉飛，兩對翼就生咗喺個胸嘅背脊度；同蝴蝶嘅翼一樣，飛蛾嘅翼上面有鱗，不過飛蛾色水通常冇蝴蝶嘅咁鮮艷。另一樣同蝴蝶唔同嘅係，多數物種嘅飛蛾都係興夜晚出沒嘅，不過都有部份物種係興朝頭早出沒嘅^[5]。

• 完全變態，鱗翅目嘅物種冚唪唥都係行完全變態嘅。
• 毛蟲，鱗翅目嘅幼蟲。