1978年亞洲運動會

第八屆亞洲運動會於1978年12月9號至20號响泰國首都曼谷舉行。

因原主辦城市巴基斯坦嘅伊斯蘭堡放棄主辦權，由泰國接辦，呢屆亞運會因政治原因（繼1962年雅加達亞運之後），再度拒絕台灣同埋以色列參賽。

大會會期為12日，共有25個國家同地區嘅3842名運動員參與19個項目嘅比賽。打破66項世界紀錄。射箭同保齡球係今屆亞運會新增設嘅比賽項目。