COLLAR

2021年底至2022年中：成團

2018年起，ViuTV推出《全民造星》系列，並分別喺第一季同第二季誕生男子組合，亦有唔少參賽者「單飛」。唯獨節目搞咗三季都未誕生一隊女子偶像組合，所以ViuTV喺2021年推出《全民造星IV》，希望借此培育香港女子組合。^[1]最後喺2021年12月25號《全民造星IV》決賽入面，邱彥筒、沈貞巧同許軼分別奪得冠、亞、季軍^[2]，三人就直接晉身女團，ViuTV另外再喺96強中挑選多五名成員。COLLAR成員人數係八名係因為ViuTV《全民造星IV》監製花姐有一次發夢到自己旗下有一隊八人女團，所以花姐向ViuTV董事總經理魯庭暉提議《全民造星IV》以全女班參賽者嘅形式去舉行^[3]。

據紀錄COLLAR出道過程嘅節目《我哋係COLLAR》透露，三甲之外嘅其餘五位成員入面，頭四位嘅入圍順序係王家晴（Candy）、陳泳伽（Winka）、蘇芷晴（So Ching）同李芯駖（Sumling）。因為楊安妮（Win Win）拒絕咗戴穎嘅邀請^[4]，令女團成員一度只係得七個人，經過長時間討論，最終決定邀請雖然表現未算標青但有好高人氣嘅蘇雅琳（Ivy）做第八位成員^[5]。

喺2022年1月12號夜晚六點半，ViuTV喺香港尖沙咀海港城舉辦用「Hold Your Breath」主題嘅記者會^[6]，記者會上同時公佈另外五名成員李芯駖（Sumling）、蘇芷晴（So Ching）、陳泳伽（Winka）、蘇雅琳（Ivy）同王家晴（Candy），之後八人一齊上台演唱出道曲《Call My Name!》^[7]。由於疫情關係，記者會改喺社交平台Facebook網上直播，直播最高一度有多過7.6萬人去睇，歌手黎明都有去睇直播^[8]。另外，COLLAR開設嘅官方社交平台Instagram公開24小時之內嘅追隨者人數係高達20萬人。記者會同時透露COLLAR即將會舉辦演唱會，預計3月底舉行，但係要睇疫情情況先能夠落實日期^[9]。

喺1月13號夜晚八點《Call My Name!》音樂影片係正式喺影片分享平台YouTube推出。呢個音樂影片喺開播24個鐘內已經突破64萬觀看次數，並且登上香港YouTube熱門影片嘅第一位^[10]，喺1月16號凌晨觀看次數就破咗100萬^[11]。同埋1月30號凌晨再突破200萬^[12]。喺1月24號，日本能量飲品寶礦力水特宣佈成軍12日嘅COLLAR會擔任品牌嘅香港40周年代言人，亦成為品牌第一個本地歌手組合代言人，同埋會獻唱廣告主題曲，成為咗品牌第一個本地廣告歌^[13]。COLLAR喺1月28號夜晚八點推出《Call My Name!》嘅Dance Version^[14]。喺2月14號情人節，推出《Call My Name!》嘅214 Version^[15]。3月18號，中午12點先喺香港商業電台節目叱咤樂壇首播，並且晏晝1點喺各大音樂平台推出第二首單曲《Never-never Land》^[16]。喺3月23號夜晚八時，《Never-never Land》MV正式喺影片分享平台YouTube推出^[17]，喺4月3號中午12點35分破100萬觀看次數^[18]。

2022年中至2023年中：So Ching請假、復工同退團

同年7月下旬MIRROR演唱會發生意外，重傷者李啟言係COLLAR成員蘇芷晴嘅男朋友，蘇芷晴需要請假，令COLLAR變相休團，亦暫停推出新作品，一路去到約莫5個月之後嘅2023年1月1號，蘇芷晴復工，令COLLAR正式復出，並喺1月13號成團一週年翌日推出第五首單曲《The Bright Side》。不過到5月10號，蘇芷晴用始終未能走出心靈陰影做理由，宣佈退出COLLAR，而經理人戴穎話COLLAR會以七人組合繼續發展，唔考慮加返新成員補位。

根據MakerVille行政總裁魯庭暉解釋，女團名「COLLAR」有兩個意思：第一指衫領，第二指鎖骨，代表女團風格多變，亦係連結腦部同心嘅部份，希望COLLAR 嘅作品，畀觀眾能用腦思考，用心感受，每次表演都能夠「Hold Your Breath」。^[19]。

成員變遷表

單曲

註：個人名義嘅單曲歌，請睇吓成員嘅個人頁。

派台歌曲成績

註：個人名義嘅派台歌曲，請睇吓成員嘅個人頁。

註：個人名義嘅各台冠軍歌總數，請睇吓成員嘅個人頁。

• （-）未能上榜
• （×）冇派去該台

註：個人名義嘅影視作品演出，請睇吓成員嘅個人頁。

電視節目（ViuTV）

註：個人名義嘅品牌代言，請睇吓成員嘅個人頁。

喺COLLAR成立之前，因為唔少MIRROR嘅女擁躉對於MIRROR成員嘅追捧，導致唔少女擁躉嘅伴侶（包括男朋友或丈夫）備受冷落，其中喺2021年7月一個「苦主」連同部分「鏡粉前夫」（指MIRROR女擁躉嘅備受冷落嘅男友或丈夫）喺Facebook成立咗「我老婆嫁左比Mirror導致婚姻破裂關注組（我老婆嫁咗畀Mirror導致婚姻破裂關注組）」用「圍爐取暖」嘅方式，突然群組會員迅速幾何級數上升，而家已達到35萬，亦引起媒體關注。^{[38] [39] [40]} 自女團成立消息傳出後，呢嗰Facebook群組入面嘅一個「群主」同一班「苦主」作出相應行動，喺2022年1月11號宣布成立分支「前夫反擊戰」群組，而家吸納超過八萬人加入呢嗰群組，再次引起香港傳媒關注。^{[41] [42] [43]}

• 因為香港電視娛樂事先註冊咗「COLLAR」商標，而呢個註冊喺2021年12月30號被網民發現，令到網民估到新女團個名叫COLLAR，但電視台喺正式公佈之前都無回應過^[44]。
• 喺2021年12月30號《東方日報》已經率先透露女團八人名單^[45]。嗰時因為《東方日報》嘅名單係無其他證據去支持，網民只係半信半疑，但事後喺2022年1月12號證實名單係完全正確。
• 呢個組合未有好似其餘同全民造星系列有關嘅組合（MIRROR、ERROR同P1X3L）噉樣，吸納十強以外嘅參賽者。
• 呢個組合年紀最大嘅成員（喺1986年出世嘅李芯駖）同最細嘅成員（喺2002年出世嘅王家晴）相差達16年，係香港樂壇入面比較罕見。

官方帳戶

• COLLAR嘅Instagram頁
• COLLAR嘅facebook頁
• YouTube上面嘅COLLAR嘅頻道
• MakerVille - COLLAR

維基同享有多媒體嘅嘢：
COLLAR