iKON

由YG娛樂社長梁鉉錫所命名，「iKON」來自於英文單字icon，有標誌、象徵之意，社長將C換成代表韓國嘅K，帶有希望iKON可以成為K-pop樂壇嘅指標性團體、音樂、人物嘅期許^[12]。團體問候語為「Get ready? Show time! 大家好，我哋係iKON！」

iKON嘅官方粉絲名稱為「iKONIC」，官方應援物為球棒造型嘅手燈「KONBAT」^[13]。

2011年－2013年

2011年1月3日隊長B.I同來自濟州島嘅金振煥同日加入YG娛樂成為練習生，一星期後來自美國嘅BOBBY都加入一同練習（因成員三人都姓「金」，又稱「金三角」），2012年4月18日具俊會、宋允亨加入，2012年11月5日金東赫加入^[14]，組成TEAM B，與TEAM A於2013年5月31日開始錄製YG娛樂所屬男子組合WINNER出道生存賽節目《WIN》^[15]。喺《WIN》節目中TEAM B嘅著名舞蹈場面有《6 Foot 7 Foot^[16]》^[17]；同年嘅10月25日總決賽直播，Team B演唱自作曲《Climax^[18]》^[19][20]，人氣投票輸畀TEAM A，未可以出道。重新返到練習生活，接受歌唱訓練同舞蹈教學，並公開由世界編舞大師Parris Goebel（英文：Parris Goebel）所教嘅練習影片《Get Like Me》^[21][22]

2014年

2014年5月2日演出《YG FAMILY CONCERT》東京場，同年5月7日，YG娛樂楊賢碩社長召集原TEAM B成員六人，宣佈開始錄製iKON出道生存節目《MIX & MATCH》，並加入兩名新成員鄭鎮馨同鄭粲右，第一次評價舞台後，於6月11日又加入新成員梁洪碩^[23][24]。同年9月2日，楊賢碩與9位成員出席《MIX & MATCH》記者發佈會^[25]，宣佈組合名「iKON」，預計有7名成員，已確定3個成員分別係隊長B.I、金振煥、同《Show Me The Money 3》冠軍BOBBY^[26][27]。9月11日，《MIX & MATCH》正式開播（每星期四晚上11時喺Mnet頻道播出。）第一集片尾公佈TEAM B自作曲《Wait For Me》^[28]。第八集公開10月22日韓國高麗大學華政體育館舉辦嘅最後Final Match舞台，並公佈自作曲《Long Time No See》同《Sinosijak》^[29]。

10月23日，楊賢碩解釋講：『喺此之前WINNER為咗準備出道專輯，而非單曲，所以舊年出道競爭節目《WIN》結束後，直到今年8月正式出道用咗10個月嘅時間。但係iKON將會似過去2NE1計劃出道時推出單曲，之後不斷發布新單曲嘅方式一樣，因此準備出道嘅時間將會縮短，已確為iKON成員嘅B.I之所以一直以嚟製作咗唔少歌曲，都係《MIX & MATCH》結束後用唔到幾耐將會以iKON成員身份出道嘅另一個原因。iKON將從明年一月開始盡量發佈多啲單曲，一整年將喺韓國國內馬不停蹄咁展開活動。』因此，iKON將於今年11月Mnet出道選拔節目《MIX & MATCH》檔期結束後，立即投入到製作出道單曲嘅準備階段，並將於明年一月以正式嘅偶像組合與粉絲們見面。^[30]

YG Entertainment宣布從11月3日開始每天凌晨公布一位確定成員^[2]：

• 11月3日：具俊會^[31]
• 11月4日：宋允亨^[32]
• 11月5日：鄭粲右^[33]
• 11月6日：金東赫^[34]

11月6日《MIX & MATCH》最後一集，宣佈最終iKON七位成員。並於11月15日、16日開始展開嘅BIGBANG日本五大巨蛋巡迴演唱會，擔任演出嘉賓。

12月3日，Bobby與B.I參與第16屆Mnet亞洲音樂大獎擔任開場嘉賓並同Epik High合作演唱歌曲《BORN HATER^[35]》嘅表演舞台^[36][37][38]。

2015年

1月28日，iKON被美國雜誌Billboard選為《2015值得關注嘅K-POP明星TOP5》之一^[39][40]。

Billboard以呢段時間榜單成績、粉絲期待、YouTube點擊量等為標準，評選出呢次榜單。尤其係該榜中最先提到嘅iKON成為唯一一位憑藉出道前狀態上榜嘅明星，證明咗iKON從出道前開始喺度受到極大嘅關注與期待。

Billboard對iKON評價稱：『雖然目前仍喺做出道準備，但係iKON嘅成員B.I與BOBBY擔任咗Epik High嘅《BORN HATER》、HI SUHYUN嘅《I'M DIFFERENT》嘅伴唱，從出道前開始已經備受矚目，尤其係BOBBY成為人氣嘻哈MC受到關注。』Billboard仲介紹稱，iKON從出道前開始通過出演實錄節目《MIX & MATCH》，以及參與前輩歌手們嘅專輯等實力與人氣備受認可，並評價稱，佢哋有望成為2015年歌壇界大紅大紫嘅新星。

3月19日iKON被選為「水原 JS 盃足球大會」嘅宣傳大使^[41][42]。

JS Foundation 表示：「iKON 確定將擔任由 JS Foundation 主辦、京畿道水原市支援嘅『2015 水原 JS 盃 U-18 國際青少年足球大會』嘅宣傳大使，即使 iKON 目前仲未正式出道，但有著深厚嘅實力基礎，佢哋係具有可以享譽全世界能力嘅團體。由引領著世界足球嘅青少年足球選手參加嘅本屆大會，與被稱為新世代團體嘅 iKON 形象十分惜合，所以最終邀請佢哋成為足球大會嘅宣傳大使。」

9月15日正式出道^[43][44]：官方於韓國公開先行曲《取向狙擊^[7]》（韓文：취향저격；MY TYPE）正式出道，MV喺12小時內點閱率破百萬^[45]，並喺韓國Melon等8大音樂排行榜佔據1位^[46]。

9月16日開賣「10月3日於首爾奧林匹克公園體操競技場舉行嘅出道演唱會《iKON ─ DEBUT CONCERT 「SHOWTIME」》」門票，開賣10分鐘內全部售罄^[47][48]，由成員宣布粉絲嘅名稱為iKONIC。

10月1日發布由隊長B.I參與製作、含有六首歌嘅出道半專輯《WELCOME BACK》線上音源，同時公佈《RHYTHM TA^[49]》同《AIRPLANE^[50]》雙主打曲嘅MV，該張專輯喺香港、澳門、新加坡、台灣、馬來西亞、巴拿馬、秘魯、越南等11個國家同地區嘅iTunes排行榜登上咗1位；主打曲《RHYTHM TA^[49]》登上Genie、Olleh、Naver、Soribada等音源排行榜嘅1位。另一主打曲《AIRPLANE》以及《TODAY》、《WELCOME BACK》、《M.U.P》、《MY TYPE》其他幾首收錄曲都均喺前10位，認證咗『怪物新人』嘅人氣^[51]；該張實體專輯於5日發行。原定於11月2日公開音源之雙單曲《APOLOGY^[52]》、《ANTHEM^[53]》於16日發布，發布後即喺各大音樂排行榜佔據1位、2位^[54][55]。（收錄12首曲目）正規專輯《WELCOME BACK》經歷所屬公司YG Entertainment多次宣布延期後，於12月24日正式發行，雙主打《DUMB & DUMBER^[56]》同《WHAT'S WRONG?^[57]》亦於各個韓國音樂榜單獲得1位至3位。

10月4日以音樂節目《SBS人氣歌謠》登上出道舞台。

11月7日獲第7屆Melon Music Awards男子新人獎；12月2日獲第17屆Mnet亞洲音樂大獎最佳男子新人獎。

2016年

1月13日攜帶專輯《WELCOME BACK》於日本出道,當日創下5.3207萬張銷量，位居日刊榜冠軍^[58]。1月14日獲韓國第25屆首爾歌謠大賞新人獎 ；1月20日，獲韓國第30屆金唱片大賞音源部門新人獎。

1月30日由韓國首爾奧林匹克競技場開始，造訪日本、中國、香港、臺灣、泰國、新加坡、馬來西亞及印尼等國家及地區，進行為時八個多月，共28場嘅巡迴演唱會《iKONCERT 2016 SHOW TIME TOUR》。其中日本場共5座城市14場演出聚集14萬6千名歌迷動員^[59]；演唱會期間，於2月17日獲第五屆Gaon Chart K-POP大獎九月音源賞與新人賞，為韓國歌謠界首次新人獎與音源獎同時受賞嘅男子團體^[60]，至此為止亦係繼SHINee後時隔八年，取得新人賞大滿貫之團體。3月23日獲得中國QQ音樂盛典年度樂壇新勢力組合、年度媒體推薦專輯；4月15日獲得全球華語榜中榜 亞洲影響力最受歡迎組合。5月29日發布數位單曲《#WYD^[61]》，發布後於Naver等7大音源榜取得1位，並喺Melon與1位歌曲同時破表。

6月於中國進行巡迴演唱會同時，參加中國江蘇衛視嘅《蓋世音雄》節目^[62][63]，改編數首中文歌《北京北京^[64]（原唱：汪峰）》、《奔向未來嘅日子^[65]（原唱：張國榮）》、《周大俠^[66]（原唱：周杰倫）》、《朋友^[67]（原唱：周華健）》、《頭髮亂咗^[68]（原唱：張學友）》、《愛好簡單^[69]（原唱：陶喆）》、《Kiss Goodbye^[66]（原唱：王力宏）》、《存在^[70]（原唱：汪峰）》，疑似受中國禁韓令影響，後面集數之錄製畫面遭打格或刪除^[71][72]。

9月10日至10月26日於日本進行16場巡迴演唱會《iKON JAPAN TOUR 2016》，動員17萬6000人次^[73][74]。期間於9月28日發布第一張日本《DUMB & DUMBER^[75]》，收錄數位音源《#WYD^[76]》、日本首發曲《LOVE ME^[77]》及《SINOSIJAK REMIX^[78]》等4首歌嘅日文版，獲得日本Oricon單曲周榜第一^[79]。12月30日喺日本TBS播出嘅第58屆日本Record大賞中，獲JAPAN RECORD AWARDS第58屆最優秀新人賞^[80]。

2017年

延續2016年《iKON JAPAN TOUR 2016》，2017年2月10日至3月20日於日本大阪、福岡、橫濱三座城市共9場演出動員12萬人次，合稱《iKON JAPAN TOUR 2016-2017》。另於2017年5月20日、6月17日分別喺日本大阪巨蛋同西武巨蛋召開《2017 iKON Japan Dome Tour》，追加公演從9月9日起至11月12日止於神戶、長野、福岡、神奈川、廣島、靜岡、愛知、千葉縣、兵庫8座城市共22場演出動員23.3萬人次^[81]。

官方網站於5月16日宣布iKON將於5月22日以新單曲專輯《NEW KIDS : BEGIN》回歸^[82]，並發佈專輯預告MV^[83][84]。後於5月21日公開《NEW KIDS : BEGIN》七位成員概念照，公布除B.I同BOBBY外之其餘五名原本使用本名活動嘅成員新藝名^[85]。5月22日通過各大數位音樂網站公開線上音源，正式發行《NEW KIDS : BEGIN》，並公開雙主打MV《BLING BLING^[86]》、《B-DAY^[87]》。《BLING BLING》由成員B.I、BOBBY與MILLENNIUM（YG練習生최래성，音譯崔來星）共同製作；《B-DAY》係Birthday嘅縮略語，韓文音譯為（벌떼），意同為「蜜蜂」，由B.I與BOBBY作詞、B.I及AiRPLAY、姜旭鎮作曲。音源一發表短時間內竄升至韓國各大音源榜上位圈，亦都攞咗香港、印尼、馬來西亞、菲律賓、新加坡、台灣、泰國等共10個國家嘅iTunes Chart專輯榜冠軍^[88]，2天後Melon即時排行榜為第66跟第86名（以24日下午2點為基準），韓媒《Sports東亞》認為發行後表現不如預期^[89]。7月27日公佈日文版《BLING BLING^[90]》、《B-DAY^[91]》MV，8月16日於日本發行迷小專輯，其專輯喺8月28日公佈嘅Oricon週榜以銷售3.5萬張攞咗第1名^[92][93]。

6月18日，出演韓國SBS電視台《Fantastic Duo 2》，與復活樂隊（韓文：부활 (밴드)）合作特別舞台,《雨同你嘅古仔^[94]》（韓文：비와 당신의 이야기）。10月22日受邀參演釜山音樂節（Busan One Asia Festival，簡稱BOF）演唱《BLING BLING》同《B-DAY》^[95]。10月23日首爾大韓貿易投資振興公社委任iKON為2017韓流博覽會胡志明站宣傳大使^[96]。

11月4日，於韓國JTBC播出新團綜《違反校規嘅修學旅行》，係一檔由iKON成員與7位日本女藝人一齊前往濟州島度過5天4夜旅行嘅節目。朴智恩PD (節目總監) 喺製作發表會上表示：「喺企劃呢個節目的過程中，對iKON進行採訪時，發現成員們因為成為練習生，而少咗好多學生時代嘅回憶。而且成員們都冇其他親近嘅藝人，只跟成員們比較要好，我覺得咁樣太過可惜，先至企劃出呢個令平均22歲嘅參加成員一齊前往修學旅行嘅節目。」^[97][98]。隔年2月喺日本通過Abema TV從9日起開播。

2018年

第一次回歸：正規二輯《Return》

2018年1月7日發佈前導預告片^[99]，1月25日下午6點通過各大數位音樂網站公開線上音源^[100] 及主打歌《LOVE SCENARIO》MV^[9]。1月27日YG娛樂梁鉉錫社長嘅IG公佈iKON成員嘅IG個人帳戶^[101]，2月12日，喺韓國最大嘅音源網站Melon，以及Naver Music、Mnet、Monkey 3、Olleh Music、Genie、Bugs、Soribada等八大音樂網站上排名第一，再此突破Perfect ALL KILL紀錄^[102]，連續18日佔據音源榜一位，成為近3年來韓國男子組合嘅最熱門歌曲，並喺美國、日本、中國等17個國家與地區嘅iTunes及音源網站上取得榜單一位嘅成績^[103]；2月21日，連續28日位居實時榜單一位，橫掃最大音源網站Melon、Mnet、Genie、Soribada、Olleh、Naver、Monkey3等7個實時榜單一位，持續24小時收聽人數超過70萬人，突破韓國樂壇近十年來嘅最長紀錄^{[104][105][106][107][108]}。截至3月5號，已連續41日居一位^[109]，並喺當日發行數位單曲《Rubber Band》^[110]，係首由WINNER所屬宋旻浩同iKON所屬B.I合作嘅歌曲^[111]，作為達謝粉絲嘅禮物^[112][113]；憑藉音源優異表現，取得由韓國企業信譽研究所分析結果，三月「男團品牌信譽」排行榜第三名^[114]，成員具俊會首次個人出演綜藝節目《被子外面好危險》^[115]。喺音樂節目上攞咗 11 座冠軍獎盃，呢首歌都成為iKON出道以來嘅第一支破億MV。

團綜《iKON TV》

同年3月10日YG娛樂社長梁賢碩喺個人IG上^[116]，回應粉絲希望iKON拍攝iKON TV嘅留言：「明天粉絲見面會上，iKON會親自講出來嘅。」^[117][118] 11日舉行咗2018年第一場官方粉絲見面會《iKON 2018 PRIVATE STAGE, RE·-KONNECT》，喺活動中親自宣布《iKON TV》已經開拍^[119][120]，同月29日出演電視購物節目，擔任YG Food「三岔路肉舖」品牌商品「烤豬肉+牛肉」套裝嘅試食模特兒，呢個其實係拍攝緊《iKON TV》嘅打工體驗^{[121][122][123]}！4月15日起陸續公佈宣傳片^{[124][125][126]}、導演版宣傳片^[127] 同第一集預告片^[128]，4月21日晚上十點 (韓國時間) 透過Naver V LIVE^[129]、YouTube^[130] 正式播出。開播第一集即請嚟韓國當紅搞笑限定女團Celeb Five做重量級嘉賓一齊玩遊戲^[131]，喺「團隊合作」嘅測試環節中，參賽者要喺限定時間內用嘴傳遞吸油紙，傳遞最多嘅一隊獲勝。Celeb Five嘅積極表現令iKON成員忍唔住雙手掩面：「攻擊性好強！ 」金振煥吐槽金東赫動作太積極，令人好有負擔，於是索性瞇埋眼唔想面對，就喺呢個時候吸油面紙突然滑落，兩人真實kiss；隊伍結尾處嘅鄭粲右則係每接到一張面紙就用求救嘅眼神望向B.I，然而B.I提起癱坐喺地上嘅粲右，撳住粲右嘅頭：「繼續！ 」；節目播出不到半天點擊量破百萬^[132]。成員利用打工體驗賺來嘅錢，由B.I擔任導演，執導iKON《Beautiful》MV，不過呢支MV同以前嘅畫風相差甚遠，由宋允亨擔任男主，分別搭檔由其他成員變裝扮演嘅「女主角」重現《狼嘅誘惑》、《嗰年冬天風喺度吹》、《我腦海中嘅擦膠》、《經常請食飯嘅漂亮姐姐》等作品嘅經典場面^[133]。播出期間成員具俊會IG追蹤人數突破100萬，係喺團內嘅B.I、BOBBY以後，第3個破百萬嘅成員，佢發出「只穿內褲、曬朱古力腹肌+人魚線」嘅相以示慶祝^[134]；忙內鄭粲右則係獲邀為偶像LG雙子隊開球^[135]，並喺2018年7月23日開通YOUTUBE個人頻道「찬우살이」。6月30日播出《iKON TV》最後一集，發佈送畀粉絲嘅新歌《JUST FOR YOU》（韓文：줄게）^[136][137]。

6月1日，iKON第二張正規專輯主打歌《LOVE SCENARIO》MV觀看次數突破一億，成為iKON首支破億嘅MV^[138][139]。7月17日韓國傍晚播出嘅SBS深夜正式演藝報導7月喺韓國門戶網站搜索《LOVE SCENARIO》出現地唔係iKON MV，而係小學生或幼稚園小朋友錄唱影片，顯示該曲喺幼稚園同小學生間吹起逆襲風^[140]，記者訪問小朋友們大多不了解歌詞意思，報導中分別訪問童謠專家同大學教授，童謠專家이민숙(音譯：李敏淑)表示：「係四分之四簡單嘅拍子，同細路仔容易跟唱嘅簡單旋律嘅反覆，所以對細路仔來講好有人氣。」電子工程學教授장준혁(音譯：張俊相)表示：「相同嘅位置以相同嘅時間差，節奏快咁周期性放入特定嘅擊打音，啲人會有中毒性現象，形成一種洗腦效果」^[141]。成員具俊會演出MBC電視台綜藝節目意外嘅Q時，主持人劉世允問：「《Love Scenario》點樣會喺小學生咁樣流行？」具俊會答覆：「因為跟童謠有啲似」^[142][143]。

成為新一代「小學生統領」（或「幼稚園統領」^[144]）嘅iKON為報答細路仔嘅喜愛，8月4日下午喺漢江公園嘅藝島舉行《PiKONIC DAY》，畀家長帶著細路仔免費入場，仲可以自由拍照、錄影^[145][146]。多組小朋友們上台演唱唔同版本嘅《LOVE SCENARIO》並同成員們影相錄影，最後嘅安可歌係小朋友們大合唱《LOVE SCENARIO》^[147][148]。

第二次回歸：迷你一輯《New Kids:Continue》

7月17日，官方宣布iKON將於8月2日發行首張迷你專輯《NEW KIDS：CONTINUE》回歸歌壇^{[149][150][151]}。7月29、30日喺官方YouTube頻道上公開咗主打歌《Killing Me^[152][153]》嘅MV預告，8月2日下午6時通過各大數位音樂網站公開線上音源及主打歌《Killing Me^[154]》MV；同日，美國Billboard對iKON最新迷你專輯《NEW KIDS:CONTINUE》畀好評，指「iKON再度回歸，尤其係主打曲《Killing Me》與普通KPOP歌曲唔同，旋律會一直腦海縈繞」^[155][156]。8月3日以Tablo嘅影片喺Instagram發起「＃죽겠다챌린지 #killing_me_challenge」嘅hashtag活動^[157]，以主要歌詞「죽겠다」喺韓文中與形容詞連用時，有「（形容詞）得就嚟死啦」嘅含義，發揮創意，發出有趣嘅影片^[158]。接著喺8月18日舉辦《iKON 2018 CONTINUE TOUR》首場演唱會^[159]。同月19日YG娛樂宣布舉行iKON嘅《Killing Me》cover舞蹈大賽，同年9月30日前，將錄好嘅舞蹈影片上傳到 YouTube，然後喺iKON官方SNS公告裡提供嘅Google表單上報名^{[160][161][162]}，10月4日公布三組優勝者^[163]，冠軍「ST.319」^[164]，亞軍「 OOPS! CREW」^[165]、季軍「K-BOY」^[166]。

亞運閉幕式韓國代表

2018年喺印尼雅加達巨港舉行嘅亞洲運動會（簡稱亞運），於9月2日晚間舉行閉幕儀式中，Super Junior同iKON作為韓國藝人代表參與演出^[167]，令體育館秒變演唱會！^[168] 當日iKON表演《LOVE SCENARIO》同《RHYTHM TA》台下觀眾大合唱應援^[169][170]。

第三次回歸：迷你二輯《New Kids:The Final》

11日YG娛樂突然公開iKON嘅回歸預告海報，宣布佢哋將於10月1日發行新迷你專輯《NEW KIDS: THE FINAL》，一年回歸三次嘅罕見計畫甚至令韓國媒體都對 YG 大感意外^{[171][172][173]}！主打曲《Goodbye Road》(韓文：이별길；中文：離別路)係2015年B.I仲未出道前，第一次見到「花路」(韓文：꽃길)一詞，覺得呢個詞彙好美好，喺思索佢嘅反義詞過程中寫出「離別路」，描述同愛人離別後獨自走嘅路^[174]。2017年底錄音及MV拍攝完畢，然而喺2018年初決定主打歌時敗畀《Love Scenario》。社長梁鉉錫認為《Goodbye Road》比較有秋天嘅氛圍，因此選喺10月1日發行^[175]。發行隔日上午，《Goodbye Road》喺Bugs、MelOn、Mnet、Olleh、Genie 同 Soribada等六座音源網站嘅即時榜上攞咗冠軍。並喺智利、印尼、哥倫比亞、巴西到希臘⋯⋯等25個國家嘅iTunes專輯榜攞咗第一名，刷新咗上一首作品《Killing Me》第一時間征服24國iTunes嘅自我紀錄^[176]；並喺日本iTunes嘅K-POP專輯榜摘下冠軍，都喺中國QQ音樂嘅K-POP MV榜奪冠。

得獎

10月31日，iKON第二張正規專輯主打歌《LOVE SCENARIO》MV觀看次數突破二億，成為iKON首支破二億嘅MV^[177]。《LOVE SCENARIO》以863,888,733下載量攞咗Gaon音樂榜喺2018年第1~50週嘅數位榜嘅第一名^[178][179]，2018年MMA頒獎典禮「最佳作曲人獎」^[180] 同「年度最佳歌曲」獎。mnet電視台嘅MAMA頒獎典禮「Best Vocal Performance Group」獎^[181]、第33屆金唱片獎嘅「數位音源本賞（最佳音源獎）」同「音源大獎」^{[182][183][184]}。《第28屆首爾歌謠大賞》中得「本賞」^[185]。《GAON Chart Music Award》連掃三個大獎：「年度專輯製作獎」、音源部門「本年度歌手獎」，以及「年度Long-Run音源獎」^[186]。

2019年

2018年12月23日YG娛樂社長梁鉉錫喺自己嘅Instagram上透露：「We expect the release date for iKON」s New Kids Repackage Album to be around early January Will soon announce the official timeline.」並公開咗iKON新專輯嘅預告照^[187][188]。1月6日喺首爾奧林匹克體操競技場舉行《iKON CONTINUE TOUR ENCORE TOUR IN SEOUL》，率先公開新歌《I'M OK》嘅MV同舞台表演^[189]。7日透過各大音源網站發行「New Kids」系列改版專輯《New Kids Repackage : The New Kids》，並公開主打歌《I'M OK》^[190] 嘅MV；此張專輯共收錄23首歌曲（韓國專輯罕見嘅曲目數）。iKON改版專輯主打歌《I'M OK》一推出，截至8日上午，橫掃咗馬來西亞、菲律賓、沙地阿拉伯、新加坡、越南…等12個國家嘅 iTunes 排行榜冠軍^[191][192]。

1月28日與英國《TGE》（英文：The Great Escape）同法國《MIDEM》稱之為世界三大音樂盛典嘅《SXSW》^[193]，其官方網站宣佈2019年《SXSW》音樂祭嘅韓國焦點舞台（英文：Korea Spotlight），將由iKON壓軸演出^[194]；呢個都係iKON第一次喺美國演出^[195][196]。2月8日，iKON首張迷你專輯主打歌《Killing Me》MV觀看次數突破一億，成為iKON第二支破億嘅MV^[197]。

4月14日韓國JTBC綜藝節目Cover舞蹈國家對抗賽嘅節目《Stage K》搵來以歌曲《LOVE SCENARIO》獲得咗大量人氣嘅iKON，作為第二集「iKON篇」嘅Dream Star^[198]。來自日本、法國、美國、波蘭嘅挑戰者們出擊，展開咗刀群舞對決；第一輪各國代表分別Cover《BLING BLING》、《RHYTHM TA》、《BEAUTIFUL》、《GOODBYE ROAD》；由總分數前二名美國隊同法國隊晉級挑戰《KILLING ME》，最後由美國隊攞咗「iKON篇」優勝隊伍與iKON合作《LOVE SCENARIO》舞台^[199][200]；於6月16日播出嘅王中王戰，美國隊代表iKON以《RHYTHM TA REMIX (Rock ver.)》出戰其他韓團Cover隊伍並晉級四強，再以《DUMB＆DUMBER》獲得亞軍。5月19日，iKON第二張正規專輯主打歌《LOVE SCENARIO》MV觀看次數突破三億，成為iKON首支破三億嘅MV^[201]，

6月12日，成員B.I因毒品事件而退出團體^[202]，原訂七月展開嘅日本巡迴演唱會《iKON JAPAN TOUR 2019》，以六人體制進行，於2019年7月27日開始喺福岡起跑，包括福岡、神戶、名古屋、宮城、千葉、大阪等6個城市嘅14場公演^[203][204]。延續前《iKON JAPAN TOUR 2019》嘅熱潮，《iKON YEAR END LIVE 2019》巡迴演唱會自12月14日起，從名古屋地區開始，陸續喺橫濱同神戶開唱，總共舉辦咗九場演出，於最後一場演出中，iKON 透露喺度準備新專輯：「我哋喺度準備發表新歌，2020 年會有好多新歌，都會舉行更多巡迴演唱會，所以請大家多多期待。」^[205]

2020年

2020年2月6日發行第三張迷你專輯《i DECIDE》，係繼上張專輯時隔一年多推出嘅專輯，都係iKON以六人體制活動後首度發行嘅作品^[206]；據YG娛樂1月29日聲明^[207]，該專輯原訂2019年中旬前推出，當中收錄嘅五首歌曲早已錄製完畢，其中都包含前隊長兼主要製作人B.I作詞、作曲嘅作品。首先考量若完全排除B.I作品、重新錄製新歌，將會拉長iKON嘅空白期。於是既保留B.I參與創作嘅作品，都鼓勵其他成員開始參與作曲，因此《i DECIDE》將加入首度參與創作嘅成員之作品^[208]。《i DECIDE》共收錄五首新歌，其中有四首係B.I參與作詞作曲嘅作品。BOBBY參與咗《Ah Yeah》、《All The World》及《Flower》三首歌曲嘅作詞，金東赫參與咗《Flower》嘅作詞作曲^[209]。該專輯喺台灣、香港、日本、馬來西亞、菲律賓、印尼、泰國、越南、寮國、俄羅斯、土耳其、丹麥等24個國家與地區嘅iTunes專輯榜獲得冠軍，並喺日本iTunes嘅綜合專輯榜及K-POP專輯榜奪冠。新作主打歌《Dive》都喺韓國Soribada嘅實時榜摘得冠軍^[210]。

6月18日，iKON第二張正規專輯主打歌《LOVE SCENARIO》MV觀看次數突破四億，成為iKON首支破四億嘅MV^[211]。

2021年

iKON確定出演韓國Mnet音樂綜藝節目《Kingdom》( 韓語：킹덤 )，2月23日首次錄製^[212]。將於2021年4月1日首集播放。

3月3日，將以數位單曲《Why Why Why》回歸。

5月24日，iKON第二張正規專輯主打歌《LOVE SCENARIO》MV觀看次數突破五億，成為iKON首支破五億嘅MV。

8月20日，BOBBY宣布結婚。

8月20日，團綜《取向嘅iKON：One Summer Night》每周五喺Wavve播出。

10月5日，iKON首張迷你專輯主打歌《Killing Me》MV觀看次數突破二億，成為iKON第二支破二億嘅MV。

2022年

3月22日，新團綜「iKON ON AIR」每周二喺Youtube首播^[213]。

4月6日，宣布6月25日、26日將喺首爾奧林匹克公園舉辦iKON 2022 CONCERT，呢個係iKON時隔三年六個月再次舉辦演唱會。^[214]。

4月18日，YG正式宣布iKON將於5月3日以迷你四輯《FLASHBACK》回歸樂壇。

5月3日，以迷你四輯《FLASHBACK》回歸樂壇。

6月25日、26日於首爾奧林匹克公園舉辦iKON 2022 CONCERT，並於26日與線上同步直播。

7月2-3日、9-10日，日本巡迴演唱會iKON JAPAN TOUR 2022。

巡迴演唱會

• 2016：iKONCERT 2016：Showtime Tour
• 2016–2017：iKON Japan Tour 2016-2017
• 2017：iKON Japan Dome Tour
• 2018：iKON Japan Tour 2018
• 2018：iKON 2018 CONTINUE TOUR
• 2019：iKON Japan Tour 2019
• 2022：iKON 2022 CONCERT
• 2022：iKON Japen Tour 2022

主要音樂節目榜單排名