SOV 型

SOV 係語序一種，指主語行先，然後係賓語，最後動詞擺尾。就咁講某隻語言係 SOV 指嗰隻語言入面啲句子傾向係 SOV。

例如日本話同韓國話都係 SOV 語言。例句：

日本話：watashi wa gakusei desu（假名加漢字：私は学生です）

韓國話：na neun hagsaeng-ida（諺文：나는 학생이다）

分析：

日本話：watashi（我）wa（主題標記）gakusei（學生） desu（係）

韓國話：na（我）neun（主題標記）hagsaeng（學生）-ida（係）

廣東話一般畀人係 SVO 型語言，但有時都可以用 SOV 句法，尤其係如果講嘢嗰個人想強調隻賓語。例句^[1]：

我將度門閂埋咗佢。

—我（主語）將（maak1 住「邊幾隻字係賓語」）度門（賓語）閂埋咗佢（動詞短語）。

語言

有畀人歸類做阿勒泰語言嘅語言（包括日本話、韓國話同土耳其話呀噉），都係偏向用 SOV 型嘅句子^[2]。當中日本話可以話係呢啲語言當中最出名嘅，日本話興用は（wa）呢隻主題標記嚟嘜maak1清楚邊隻字詞係 S 同埋用を（o）呢隻助詞嚟嘜清楚邊隻字詞係 O，例句：

－表達緊「我食壽司。」噉嘅意思。

韓國話都係跟 SOV 嘅，個做法好類似：

－表達緊「我食泡菜。」噉嘅意思。

仲可以睇埋印度-伊朗語族^{[歐 1]}：印度-伊朗語族係印歐語系最東南嗰一橛，包括咗伊朗話（又叫波斯話）、印度斯坦話同尼泊爾話等多種喺南亞嗰頭流通嘅語言，算係英格蘭話同德國話等日耳曼語言嘅遠親。印度-伊朗語族都好興用 SOV 噉嘅句子，尼泊爾話^[3]例句－句嘢意思（大致）相當於廣東話「我睇書。」噉解^[4]：

語言工作者指出，漢語雖然話一般都傾向 SVO，但佢哋好多時都可以將句子砌做 SOV 噉嘅樣。廣東話例句：

－當中將zoeng1呢隻字扮演咗類似主題標記噉嘅作用，嘜住邊隻字詞係處於 O 嘅位置。