Al-Kahf
Al-Kahf (Arabies: سورة الكهف, "Die Spelonk") is die 18de soera, of hoofstuk, van die Koran. Dit bevat 110 ajat, of verse, en is vermoedelik in Mekka aan Mohammed geopenbaar.
| سورة الكهف Soera 18 van die Koran | ||
| Klassifikasie | Mekkaans | |
| In Arabies | Al-Kahf | |
| In Afrikaans | "Die Spelonk" | |
| Deel | 15-16 | |
| Ajat | 110 | |
Metgeselle van die Spelonk
- Die hoofartikel vir hierdie afdeling is: Sewe Slapers van Efese.
Die naam van die soera kom uit verse 9-26, wat die verhaal vertel van die "metgeselle van die spelonk".[1] 'n Paar jong gelowiges het in 'n tyd gelewe dat hulle vir hul geloof gemartel is. Onder leiding van God vlug hulle saam met 'n hond uit die stad waar gelowiges vervolg word en kruip weg in 'n grot, waar hulle aan die slaap raak. Toe hulle ná baie jare wakker word, vind hulle uit die inwoners van die stad het ook intussen gelowig geword.
Die gelykenis van twee mans
Nog 'n verhaal is die gelykenis van twee mans, wat in verse 32-44 bespreek word: een wat seëninge van God gekry het en die ander een arm. Die ryk man het met sy rykdom en adellike afkoms begin spog.
En hy het vrugte gehad. Aan sy maat het hy gesê terwyl hy met hom geargumenteer het: Ek het meer rykdom as u, en my volgelinge is magtiger."—Vers 34[2]
In vers 36 sê die ryk man ook hy betwyfel die bestaan van die Oordeelsdag. Aan die einde van die gelykenis vernietig God dit wat hy aan die man gegee het.
Verwysings
Skakels
Hierdie artikel is in sy geheel of gedeeltelik uit die Engelse Wikipedia vertaal.
