Chang'e 4
Chang'e 4 (Chinees: 嫦娥四号; Cháng'é sìhào) is ’n Chinese maanverkenningsending wat op 3 Januarie 2019 die eerste sagte landing op die agterkant van die Maan uitgevoer het.[2]
Die robotlandingstuig en die Yutu-2-maankarretjie[1] is op 7 Desember 2018 gelanseer en het op 12 Desember in ’n wentelbaan om die Maan gegaan. Die landingstuig het op 3 Januarie 2019 ’n sagte landing op die agterkant van die Maan uitgevoer.[3]
Die sending volg op Chang'e 3, China se eerste landing op die Maan. Die tuig is aanvanklik as ’n ondersteuningstelsel vir Chang'e 3 gebou en het beskikbaar geraak nadat Chang'e 3 in 2013 suksesvol geland het. Chang'e 4 se konfigurasie is aangepas vir die nuwe wetenskaplike doelwitte. Nes sy voorgangers is die sending genoem na die Chinese maangodin, Chang'e.
Landingsterrein
Die landingsterrein is ’n gladde vlakte in die krater Von Kármán.[4] Dit het ’n deursnee van 180 km en lê in ’n deel aan die agterkant van die Maan wat nog onverken is.[5][6]
Die landingstuig het op 3 Januarie 2019 geland en is die eerste ruimtetuig wat aan die agterkant van die Maan land.[2] Die Yutu-2-maankarretjie is later die dag ontplooi.[1]
Verwysings
Eksterne skakels
Wikimedia Commons het meer media in die kategorie Chang'e 4.
Hierdie artikel is vertaal uit die Engelse Wikipedia
