Groot Ethiopiese Renaissancedam
Die Groot Ethiopiese Renaissancedam (GERD, Amharies: ታላቁ የኢትዮጵያ ሕዳሴ ግድብ Tālāqu ye-Ītyōppyā Hidāsē Gidib), voorheen bekend as die Millenniumdam, is ’n dam in die Blou Nyl in Ethiopië wat sedert 2011 in aanbou is. Dit is in die Benishangul-Gumuz-streek van die land, sowat 45 km oos van die grens met Soedan.[3]
| Groot Ethiopiese Renaissancedam | |
|---|---|
 Die Renaissancedam en verwante geriewe. | |
| Ligging | Benishangul-Gumuz-streek |
| Provinsie/Land | Ethiopië |
| Koördinate | 11°12′55″N 35°05′35″O / 11.21528°N 35.09306°O |
| Doel | Elektrisiteit |
| Status | In aanbou |
| Konstruksiekoste | $5 miljard VS$ |
| Eienaar | Ethiopian Electric Power |
| Soort dam | Gravitasie, roller-gekompakteerde beton |
| Lengte van wal | 1 780 m |
| Bakmaat | 10 200 000 m3 |
| Sluiskapasiteit | 14 700 m3 |
| Hidrokragsentrale | Konvensioneel |
| In gebruik gestel | 2022[1][2] |
Die hoofdoel van die dam is die opwekking van elektrisiteit om Ethiopië se ernstige energietekort te verlig en vir uitvoer na buurlande. Met ’n beplande kapasiteit van 6,45 gigawatt sal die dam by voltooiing die grootste hidroëlektriese aanleg in Afrika wees[4] en die sewende grootste in die wêreld.[5][6]
Die volmaak van die reservoir het in Julie 2020 begin.[7][8] Dit sal tussen vier en sewe jaar duur om dit met water te vul,[9] na gelang van hidrouliese toestande en ooreenkomste wat aangegaan word tussen Ethiopië, Soedan en Egipte.[10]
In September 2021 het die VN se Veiligheidsraad 'n verklaring aangeneem waarin Egipte, Ethiopië en Soedan aangemoedig word om onderhandelinge te hervat "onder beskerming van die Afrika -unie" om 'n ooreenkoms oor die omstrede GERD -dam op die Nyl vinnig af te handel. Hierdie ooreenkoms moet "wedersyds aanvaarbaar en bindend wees vir die vul en funksionering van die GERD binne 'n redelike tyd", spesifiseer die Veiligheidsraad in sy verklaring wat deur Tunisië opgestel is.
Verwysings
Skakels
Wikimedia Commons het meer media in die kategorie Groot Ethiopiese Renaissancedam.
Hierdie artikel is in sy geheel of gedeeltelik uit die Engelse Wikipedia vertaal.
