Li Keqiang
Li Keqiang (Mandaryns: 李克强; pinyin: Lǐ Kèqiáng) (Hefei, Anhui, 1 Julie 1955 – Shanghai, 27 Oktober 2023) was 'n Chinese politikus wat tussen 15 Maart 2013 en 11 Maart 2023 as die premier van die Volksrepubliek China gedien het.
Li Keqiang | |
Li in 2015 | |
7de Premier van die Volksrepubliek China | |
Ampstermyn 15 Maart 2013 – 11 Maart 2023 | |
President | Xi Jinping |
---|---|
Voorafgegaan deur | Wen Jiabao |
Opgevolg deur | Li Qiang |
Eerste adjunkpremier van die Volksrepubliek China | |
Ampstermyn 17 Maart 2008 – 15 Maart 2023 | |
Premier | Wen Jiabao |
Voorafgegaan deur | Wu Yi (waarnemend) |
Opgevolg deur | Zhang Gaoli |
Persoonlike besonderhede | |
Gebore | Li Keqiang 1 Julie 1955 Hefei, Anhui, Volksrepubliek China |
Sterf | 27 Oktober 2023 (op 68) Shanghai, Volksrepubliek |
Politieke party | Kommunistiese Party van China |
Eggenoot/-note | Cheng Hong |
Kind(ers) | 1 |
Alma mater | Universiteit van Beijing |
Handtekening |
Studieloopbaan
Li is as die seun van 'n munisipale beampte van Hefei gebore.[1]
Li het in 1974 tydens die Kulturele Rewolusie aan die hoërskool in Hefei gegradueer en is na die landelike gebiede in Fengyang in dieselfde provinsie gestuur om in die platteland te gaan werk. Daar word hy uiteindelik lid van die Kommunistiese Party van China en word hy partyleier van die plaaslike produksiespan. Hy het 'n toekenning ontvang vir sy studie van Maoïsme.[2]
Li het die aanbod van sy vader van die hand gewys om hom voor te berei op die plaaslike leierskap van die party en het regte aan die Universiteit van Beijing gaan studeer, waar hy sy LLB-graad verwerf het.[3] Hy het die president van die studenteraad van die universiteit geword, en in 1995 'n PhD in ekonomie verwerf, met die prominente ekonoom Li Yining (wat nie familie is nie) as doktorale adviseur. Sy proefskrif is bekroon met die Sun-Yefang-prys, die hoogste prys in China in die ekonomie.[4]
Politieke loopbaan
Li was van 2008 tot 2013 vise-premier van die Volksrepubliek China onder leiding van president Hu Jintao.
Li Keqiang is op 15 Maart 2013 deur die Nasionale Volkskongres tot premier verkies.[5] Xi Jinping is op dieselfde kongres tot president verkies. Li vervang toe premier Wen Jiabao, wat uitgetree het nadat hy twee termyne gedien het. Van die byna 3 000 lede wat op die kongres gestem het, was 2 940 ten gunste van Li, slegs drie teen en ses het buite stemming gebly. Hy is vir 'n termyn van vyf jaar verkies. Hy is in 2018 herverkies. Op 11 Maart 2022 het hy aangekondig dat hy vir nie herverkiesing as premier staan nie.[6] Li is op 11 Maart 2023 deur Li Qiang opgevolg.
Oorlede
Li is op 27 Oktober 2023 aan 'n hartaanval in Shanghai oorlede.[7]
Buitelandse beleid
Li Keqiang het op 18 Mei 2013 sy eerste staatsbesoek aan die naburige Indië afgelê weens 'n poging om grensgeskille op te los en ekonomiese betrekkinge te bevorder. Hy het gesê dat Indië se keuse vir sy eerste staatsbesoek die belangrikheid van China se politieke betrekkinge met Indië beklemtoon.[8]
Tydens sy besoek aan Pakistan het Li met leiers van daardie land vergader en gesê: "As die beste vriend en broer van Pakistan wil ons soveel hulp bied as wat ons kan."[9]
Li het ook Switserland en Duitsland besoek op sy eerste reis na die Europese Unie en het die regeringshoofde van albei lande ontmoet.[10]
Verwysings
Eksterne skakels
- Wikimedia Commons het meer media in die kategorie Li Keqiang.
- (en) Profiel van Li op die Engelstalige webwef van die Chinese owerheid
Notas
- Hierdie artikel is in sy geheel of gedeeltelik uit die Nederlandse Wikipedia vertaal.