لی کی چیانگ

لی کی چیانگ یکم جولائی 1955ء کو صوبہ انہوئی کے شہر ہیفئی میں پیدا ہوئے۔ ان کے والد انہوئی میں مقامی عہدے دار تھے۔^[9]

لی نے سنہ 1974ء میں ہیفئی نمبر 8 سینئر ہائی اسکول سے تعلیم مکمل کی،^[10] ثقافتی انقلاب کے دوران میں انہوئی کی کاؤنٹی فینگیانگ میں زراعتی مزدوی کے لیے بھیجے گئے، جہاں انھوں نے آخر کار چین کی کمیونسٹ پارٹی میں شمولیت اختیار کر لی اور مقامی زرعی پیداوار ٹیم کے سربراہ بن گئے۔ اس وقت کے دوران میں انھیں فکرِ ماؤ زے تنگ کے مطالعے میں عمدہ فرد کے اعزاز سے نوازا گیا تھا۔^[11] لی نے والد کی مقامی کاؤنٹی کی پارٹی قیادت کے لیے تربیت دینے کی پیش قبول کرنے سے انکار کر دیا اور پیکنگ یونیورسٹی کے اسکول آف لا میں داخلہ لیا جہاں سے انھوں نے ایل ایل بی کی سند حاصل کی^[12] اور یونیورسٹی کی اسٹوڈنٹ کونسل کے صدر بن گئے۔ انھوں نے سنہ 1995ء میں معاشیات میں پی ایچ ڈی کیا اور ممتاز ماہر معاشیات لی یِن اِنگ ان کے ڈاکٹری مشیر تھے۔ ان کے ڈاکٹریٹ کے تحریری مقالے کو سن یفانگ انعام (معاشیات میں چین کا سب سے بڑا انعام) ملا تھا۔^[13]

سنہ 1982ء میں، پیکنگ یونیورسٹی کے کمیونسٹ یوتھ لیگ سیکریٹری بن گئے۔^[14] وہ 1983ء میں کمیونسٹ یوتھ لیگ کی قومی تنظیم کی اعلیٰ قیادت میں اپنی سیکریٹریٹ کے رکن کے طور پر داخل ہوئے اور جماعت کے سابق جنرل سیکریٹری ہو جنتاؤ کے ساتھ قریبی طور پر کام کیا۔ لی سنہ 1993ء میں کمیونسٹ یوتھ لیگ کے پہلے سیکریٹری بنے اور سنہ 1998ء تک منصب پر فائر رہے۔^[15][16]

لی نے بیجنگ کی کیپیٹل یونیورسٹی آف اکنامکس اینڈ بزنس کی پروفیسر چینگ ہونگ سے شادی کی تھی۔ ان کے سسر ایک مرتبہ کمیونسٹ یوتھ لیگ کی مرکزی کمیٹی کے نائب سیکریٹری بھی رہے۔ وہ انگریزی زبان بول لیتے ہیں۔^[17]

لی کا دل کا دورہ پڑنے سے انتقال ہو گیا جب وہ شنگھائی میں چھٹیاں گزارنے کے لیے آئے تھے۔^[18][19][20]