Masedoniërs

Hierdie artikel handel oor die etniese groep. Vir die taal, sien Masedonies. Moenie verwar word met antieke Masedoniërs of Griekse Masedoniërs nie.

Die Masedoniërs (Masedonies: Македонци Makedonci), soms ook Masedoniese Slawiërs^[36][37] of Slawiese Masedoniërs^[38] genoem, is 'n Slawiese nasie en etniese groep inheems aan Noord-Masedonië en aangrensende lande van die Balkanskiereiland, wat Masedonies, 'n Suid-Slawiese taal, as moedertaal praat. Hulle vorm die titulêre nasie van Noord-Masedonië en maak volgens die laaste sensus van 2002 omtrent 64% van dié land se bevolking uit. Naas Masedoniërs woon nog sowat 510 000 Albanese (25%) in Noord-Masedonië.

Masedoniërs
Totale bevolking:	ca. 2–2,2 miljoen[1]
Belangrike bevolkings  in:	Noord-Masedonië ~1,3 miljoen[2]  Italië 92 847[3]  Australië 83 978–200 000[4][5]  Duitsland 62 295–85 000[5][6]  Switserland 61 304–63 000[5][7]  Verenigde State 55 721[8]  Brasilië 45 000[1]  Kanada 37 055–200 000[9][10]  Turkye 31 518[11]  Argentinië 30 000[1]  Serwië 22 755[12]  Oostenryk 20 852[5][13]  Tsjeggië 11 623[14]  Nederland 10 000–15 000[5]  Verenigde Koninkryk 9 000[5]  Hongarye 7 253[14]  Albanië 5 512[15]  Griekeland 5 000–10 000[16][17]  Slowakye 4 600[18]  Swede 4 491[19]  Kroasië 4 138[20]  Slowenië 3 972[21]  België 3 419[22]  Denemarke 3 349–12 000[5][23]  Noorweë 3 045[24]  Frankryk 2 300–15 000[25][26]  Bosnië en Herzegowina 2 278[27]  Pole 2 000–4 500[28][29]  Bulgarye 1 654[30]  Roemenië 1 264[31]  Montenegro 900[32]  Rusland 325–1 000[28][33]
Taal:	Masedonies
Geloofsoortuiging:	Hoofsaaklik Oosters-Ortodokse Kerk (Masedonies-Ortodokse Kerk), minderheid Islam
Verwante etniese groepe:	Ander Suid-Slawiese volke soos Bosniake, Bulgare, Kroate, Montenegryne, Serwiërs en Slowene[34]

Wêreldwyd is daar tussen 2 en 2,2 miljoen Masedoniërs, waarvan sowat 1,3 miljoen in Noord-Masedonië. Daarbenewens vorm Masedoniërs belangrike minderhede in Albanië, Bulgarye, Griekeland en Serwië.

Soms beskou Masedoniërs hulself as afstammelinge van die antieke Masedoniërs, hoewel hierdie feit nie wetenskaplik bewys kan word nie.^[39][40]