Slowenië

Slowenië (Sloweens: Slovenija, [slɔˈʋèːnija], luister (hulp·inligting)), amptelik die Republiek Slowenië (Republika Slovenija, luister (hulp·inligting)), is 'n land in die suidelike Sentraal-Europa, aan die suidoostelike uitlopers van die Alpe. Slowenië beslaan 'n oppervlakte van 20 271 km² en het 'n bevolking van 2 108 708 in 2021 gehad.

Republiek Slowenië
Republika Slovenija (Sloweens)

Vlag Wapen
Volkslied: Zdravljica (Sloweens vir: "’n Heildronk")
Hoofstad	Ljubljana 46°3′N 14°30′O / 46.050°N 14.500°O / 46.050; 14.500
Grootste stad	Ljubljana
Amptelike tale	Sloweens
Regering • President • Eerste Minister	Unitêre parlementêre grondwetlike republiek Nataša Pirc Musar Robert Golob
Onafhanklikheid • Staat van Slowene, Kroate en Serwiërs • Koninkryk van Serwiërs, Kroate en Slowene (Koninkryk Joego-Slawië) • Sloweense nasieskap • Joego-Slawië word republiek • Sloweense onafhanklikheid • Brioni-ooreenkoms • Huidige grondwet	van Joego-Slawië 29 Oktober 1918 1 Desember 1918 19 Februarie 1944 29 November 1945 25 Junie 1991[1] 7 Julie 1991 23 Desember 1991
Oppervlakte  - Totaal    - Water (%)	20 271 km2  (150ste) 7 827 myl2 0,43 (2015)[2]
Bevolking  - 2021-skatting  - 2002-sensus  - Digtheid	2 108 708[3] (147ste) 1 964 036 103 / km2 (106de) 266,8 / myl2
BBP (KKP)  - Totaal  - Per capita	2022-skatting $105,450 miljard[4] (93ste) $49 968[4] (34ste)
BBP (nominaal)  - Totaal  - Per capita	2022-skatting $62,191 miljard[4] (80ste) $29 469[4] (36ste)
MOI (2021)	0,918[5] (23ste)  –  baie hoog
Gini (2021)	23,0[6](1ste) –  laag
Geldeenheid	Euro (€) (EUR)
Tydsone  - Somertyd	MET (UTC+1) MEST (UTC+2)
Internet-TLD	.si
Skakelkode	+386

Slowenië word in die weste begrens deur Italië, in die suide deur die Adriatiese See, Kroasië in die suide en ooste, Hongarye in die noordooste en Oostenryk in die noorde. Die hoofstad en grootste stad is Ljubljana.

Tot en met sy onafhanklikheid in 1991 was Slowenië 'n deelstaat van Joego-Slawië. Slowenië is sedert 1 Mei 2004 een van die lidlande van die Europese Unie en op 1 Januarie 2007 is die Euro as geldeenheid ingevoer. Die land is ook 'n lid van die Europese Raad, NAVO en het waarnemerstatus in die gemeenskap van Franstalige state, La Francophonie.

Slowenië is die welvarendste en mees ontwikkelde van alle voormalige Joego-Slawiese deelstate. Op 25 Junie 1991, aan die begin van die Joego-Slawiese oorloë het Kroasië en Slowenië gelyktydig hul onafhanklikheid van Joego-Slawië verklaar, waarmee die verbrokkeling van dié multi-etniese staat, maar ook die Joego-Slawiese Oorlog van die 1990's, begin het.