Moendari

Moendari (मुंडारी, মুন্ডারী, ମୁଣ୍ଡାରୀ) is 'n Austro-Asiatiese taal wat deur sowat 1,7 miljoen mense in Oos-Indië, Bangladesj en Nepal gepraat word. Moendari word amptelik geskryf met die Mundari Bani-alfabet, wat deur Rohidas Singh Nag vir dié taal ontwikkel is, terwyl soms ook Devanagari, die Latynse alfabet, die Odia-alfabet of die Bengaalse skrif gebruik word.

Moendari मुंडारी, মুন্ডারী, ମୁଣ୍ଡାରୀ
Gepraat in:	Indië  Bangladesj  Nepal
Gebied:	Suid-Asië
Totale sprekers:	1,7 miljoen[1]
Taalfamilie:	Austro-Asiaties  Moenda   Noord-Moenda    Kherwariaans     Moendaries      Moendari
Skrifstelsel:	Mundari Bani-alfabet (amptelik) Devanagari Latynse alfabet Odia-alfabet Bengaalse skrif
Amptelike status
Amptelike taal in:	Indië Jharkhand
Gereguleer deur:	geen
Taalkodes
ISO 639-1:	geen
ISO 639-2:
ISO 639-3:	unr
Nota: Hierdie bladsy kan IFA fonetiese simbole in Unicode bevat.

Moendari is een van die mees gesproke Austro-Asiatiese tale en een van die belangrikste van dié taalfamilie in Suid-Asië. Dit is verwant aan Ho en Santali, al drie vorm die amptelike tale van die Indiese deelstaat Jharkhand. Daarbenewens word Ho in die Indiese deelstate Orissa en Wes-Bengale gepraat.