Nieuport 28

Die Nieuport 28 is 'n Franse dubbeldekker vegvliegtuig wat in die Eerste Wêreldoorlog gebruik is. Dit het sy nooiensvlug voltooi op 14 Junie 1917. Dit was die eerste vliegtuig wat die American Expeditionary Forces (AEF) gebruik het in die oorlog. Tydens die tweede patrollie van die AEF op 14 April 1918 behaal hulle twee oorwinnings. Luitenante Alan Winslow en Douglas Campbell van 94 Eskader het 'n vliegtuig elk afgeskiet. Campbell was die eerste Amerikaans opgeleide bobaasvlieënier.

Nieuport 28
Replika van 'n Nieuport 28C-1 by die Nasionale Museum van die Amerikaanse Lugmag
Tipe	Vegvliegtuig
Vervaardiger	Nieuport
Ontwerp deur	Gustave Delage
Nooiensvlug	14 Junie 1917
Bekendstelling	Maart 1918
Hoofgebruikers	Amerikaanse Lugmag Franse Lugmag
Aantal gebou	300 +
Ontwikkel van	Nieuport 17

Die Nieuport 28 het aansienlik verskil van die Nieuport 17; die onderste vlerk was net so groot soos die boonste een terwyl by vorige modelle die onderste vlerk smaller was. Terwyl die vliegtuig in diens was het die nuwe SPAD S.XIII, wat in diens gestel is, dit oortref in vermoë. Nogtans het die Amerikaanse vlieëniers sukses bly behaal met die vliegtuig. Alhoewel die vliegtuig meer beweegbaar was die SPAD kon dit nie soveel straf verduur nie. Daar was ook 'n geneigdheid van die boonste vlerk se materiaal om los te skeur wanneer die vliegtuig duik. Die Amerikaanse bobaasvlieënier Edward Rickenbacker het van sy 26 oorwinnings in die vliegtuig behaal.